பிக் பாஸ் வெற்றியாளரின் பரிசுத்தொகை ரூ.35 லட்சமாக குறைப்பு?
செய்தி முன்னோட்டம்
சின்னத்திரை ரசிகர்களின் வரவேற்பைப் பெற்ற பிக் பாஸ் நிகழ்ச்சி தமிழ் மற்றும் தெலுங்கு என இரு களங்களிலுமே அடுத்தடுத்த அதிரடி திருப்பங்களுடன் அனல் பறந்து வருகிறது. தமிழில் மக்கள் செல்வன் விஜய் சேதுபதி தனது பிரத்யேக பாணியில் நறுக்குத் தெறிக்கும் கேள்விகளுடன் தொகுத்து வழங்கி வரும் பிக் பாஸ் சீசன் 10, ஒவ்வொரு வாரமும் எதிர்பார்க்காத வெளியேற்றங்கள், காரசாரமான விவாதங்கள் மற்றும் விறுவிறுப்பான டாஸ்க்குகளுடன் உச்சக்கட்ட பரபரப்பை எட்டியுள்ளது. ரசிகர்களைக் கட்டிப்போட்டு வரும் இந்த தமிழ் சீசனுக்கு இணையாக, தெலுங்கு பிக் பாஸ் 10-வது சீசனிலும் தற்போது போட்டியாளர்களை மிரள வைக்கும் ஒரு புதுமையான திருப்பம் அரங்கேறி பெரும் அதிர்ச்சியை ஏற்படுத்தியுள்ளது.
பரிசுத்தொகை
ரூ.15 லட்சத்துடன் வெளியேறிய மிதிலேஷ்
தெலுங்கு பிக் பாஸ் சீசன் 10 நிகழ்ச்சியின் வெற்றியாளருக்கு ஆரம்பத்தில் ரூ.50 லட்சம் பரிசுத்தொகையாக நிர்ணயிக்கப்பட்டிருந்தது.
இந்நிலையில், வைல்டு கார்டு மூலம் நுழைந்த மிதிலேஷுக்குப் பணப்பெட்டியுடன் வெளியேறும் வாய்ப்பு வழங்கப்பட்டது. ஆரம்பத்தில் ரூ.5 லட்சமாக இருந்த தொகை, படிப்படியாக உயர்த்தப்பட்டு இறுதியாக ரூ.15 லட்சமாக நிர்ணயிக்கப்பட்டது.
கடும் போட்டியை உணர்ந்த மிதிலேஷ் அத்தொகையை ஏற்றுக்கொண்டு வெளியேறினார். ஆனால், இப்பணம் மொத்தப் பரிசுத்தொகையிலிருந்து கழிக்கப்படும் என அறிவிக்கப்பட்டதால், இறுதி வெற்றியாளருக்கான பரிசுத்தொகை தற்போது ரூ.35 லட்சமாகக் குறைந்து, போட்டியாளர்களிடையே பெரும் அதிர்ச்சியை ஏற்படுத்தியுள்ளது.
வாக்குவாதம்
போட்டியாளர்கள் மத்தியில் வெடித்த மோதல்
இறுதி வெற்றியாளரின் பணப்பரிசில் ரூ.15 லட்சம் அதிரடியாகக் குறைக்கப்பட்ட விவகாரம் சக போட்டியாளர்கள் மத்தியில் கடுமையான கொந்தளிப்பையும் மோதலையும் ஏற்படுத்தியுள்ளது.
பல வாரங்களாகத் தூக்கத்தைத் தொலைத்துக் கடுமையாக உழைத்து வரும் நிலையில், ஒருவரின் திடீர் முடிவால் ஒட்டுமொத்த உழைப்பிற்கான பரிசுத்தொகை குறைந்ததை ஏற்க முடியாது எனப் போட்டியாளர்கள் ஆவேசமடைந்துள்ளனர்.
மேலும், மிதிலேஷ் பணத்தை எடுத்துக்கொண்டு வெளியேறுவதற்கு ஆதரவாக வாக்களித்த ஹவுஸ்மேட்ஸ் மீதும் சக வீரர்கள் கடும் வாக்குவாதத்தில் ஈடுபட்டு வருகின்றனர்.
இறுதிக்கட்டத்தை நோக்கி நகரும் போது இந்த பரிசுத்தொகையில் மேலும் அதிரடி மாற்றங்கள் நிகழுமா என்ற எதிர்பார்ப்பில் ரசிகர்கள் ஆவலுடன் காத்திருக்கின்றனர்.