'குட் நைட்' மணிகண்டனின் அடுத்த படத்தினை கிளாப் அடித்து துவங்கி வைத்த விஜய் சேதுபதி
இயக்குனர் விநாயக் சந்திரசேகரன் இயக்கத்தில் நடிகர் மணிகண்டன் நாயகனாக நடித்து வெளியான திரைப்படம் 'குட் நைட்'. இப்படத்தில் ரமேஷ் திலக், மீதா ரகுநாத், பாலாஜி சக்திவேல், ரேச்சல் ரோபாக்கோ உள்ளிட்டோர் நடித்திருந்தனர். கடந்த மே மாதம் வெளியான இப்படம் ரசிகர்கள் மத்தியில் நல்ல வரவேற்பினை பெற்றது. இந்நிலையில் தற்போது மணிகண்டன், பிரபுராம் வியாஸ் என்னும் அறிமுக இயக்குனர் படத்தில் நடித்து வருகிறார். மில்லியன் டாலர் ஸ்டுடியோஸ் மற்றும் எம்ஆர்பி என்டர்டைன்மெண்ட் நிறுவனம் இணைந்து இப்படத்தினை தயாரிக்கிறது. ஷான் ரோல்டன் இசையமைக்கும் இப்படத்திற்கு ஸ்ரேயாஸ் கிருஷ்ணா ஒளிப்பதிவு செய்கிறார். இப்படத்தின் படப்பிடிப்பு சென்னையில் துவங்கப்பட்ட நிலையில், முதல் நாள் படப்பிடிப்பினை மக்கள் செல்வன் விஜய் சேதுபதி கிளாப் அடித்து துவக்கி வைத்துள்ளார்.