2023 தலை தீபாவளி கொண்டாடும் சினிமா பிரபலங்கள் - ஓர் பார்வை
செய்தி முன்னோட்டம்
2023 தீபாவளி பண்டிகையினை பல பிரபலங்கள் தங்களது தலை தீபாவளியாக கொண்டாடவுள்ளார்கள். அவர்கள் யார் யார்? என்பது குறித்து தான் நாம் இந்த செய்திக்குறிப்பில் காணவுள்ளோம். முதலாவதாக நடிகர் அசோக் செல்வன், கீர்த்தி பாண்டியன் உள்ளிட்டோரின் திருமணம். தங்கள் சொந்த ஊரில் மிக எளிமையாக நடைபெற்றது இந்த திருமணம். இவர்கள் தங்கள் தலை தீபாவளியினை ஜோடியாக கொண்டாடவுள்ளனர். இவர்களையடுத்து சின்னத்திரையில் பிரபலமாகி வெள்ளித்திரை சென்ற நடிகர் கவின், அவரது காதலியான மோனிகா டேவிட் என்பவரை கடந்த ஆகஸ்ட் மாதம் திருமணம் செய்த நிலையில் தலை தீபாவளி கொண்டாடுகிறார்கள்.
தீபாவளி
மிக பிரம்மாண்டமாக நடத்தப்பட்ட சித்தார்த் மல்கோத்ரா-கியாரா அத்வானி திருமணம்
அடுத்து நடிகை அமலாபால் தனது காதலன் ஜகத் தேசாயை கேரளா-கொச்சியில் அண்மையில் திருமணம் செய்து கொண்டார். அவர்களும் தங்கள் தலை தீபாவளியினை கொண்டாடுகிறார்கள். மேலும், இந்தாண்டு மிக பிரம்மாண்டமாக நடத்தப்பட்டு சினிமா உலகையே திரும்பி பார்க்க வைத்த பாலிவுட் திரையுலகை சேர்ந்த சித்தார்த் மல்கோத்ரா-கியாரா அத்வானி திருமணம் தான். இவர்கள் கணவன் மனைவியாக கொண்டாடும் முதல் தீபாவளி இது. இவர்களையடுத்து பாலிவுட் நடிகை பரினீதி சோப்ரா, ஆம் ஆத்மி கட்சியின் மிக முக்கிய உறுப்பினராக இருக்கும் ராகவ் சத்தாவை திருமணம் செய்து கைகோர்த்துள்ளார். இவர்களும் தங்கள் முதல் தீபாவளியை கொண்டாடவுள்ளனர்.