பிரபல குணசித்திர நடிகரான ஆர்.எஸ்.சிவாஜி மரணம்
செய்தி முன்னோட்டம்
1981ம் ஆண்டு தமிழ் சினிமா உலகில் 'பன்னீர் புஷ்பங்கள்' என்னும் படம் மூலம் அறிமுகமானவர் தான் நடிகர் ஆர்.எஸ்.சிவாஜி(66).
இவர் ஆரம்பகாலத்தில் நடிகர் கமல்ஹாசன் படங்களில் அதிகம் நடித்து கவனத்தினை ஈர்த்தவராவார்.
'அபூர்வ சகோதரர்கள்'படத்தில் போலீஸ் கான்ஸ்டேபிள் கதாபாத்திரத்தில் நடித்திருந்த இவரின் 'சார் நீங்க எங்கயோ போயிட்டிங்க' என்னும் வசனம் இன்றளவும் நம்மால் ரசிக்காமல் இருக்க முடியாது.
மேலும் அவர் காமெடி நடிகராகவும், குணச்சித்திர கதாபாத்திரங்களிலும் நடித்து மக்கள் மத்தியில் ஓர் அங்கீகாரத்தினை பெற்றார்.
இவர் இயக்குனரும், நடிகருமான சந்தான பாரதியின் சகோதரர் என்பது குறிப்பிடவேண்டியவை.
அதுமட்டுமல்லாமல் கமல்ஹாசனின் நெருங்கிய நண்பர் என கூறப்படும் இவர் பல ஆண்டுகளாக 'ராஜ்கமல் பிலிம்ஸ் இன்டெர்நேஷனல்' நிறுவனத்தின் நிர்வாக தயாரிப்பாளராக பணியாற்றியுள்ளார் என்று கூறப்படுகிறது.
மரணம்
இறுதிச்சடங்குகள் சென்னை வளசரவாக்கத்திலுள்ள இல்லத்தில் நடைபெறும் என தகவல்
அதனை தொடர்ந்து இவர், சவுண்ட் டிசைனர், உதவி இயக்குனர் போன்ற பல துறைகளிலும் பணியாற்றி வந்துள்ளார்.
கோலமாவு கோகிலா, சூரரை போற்று, தாராள பிரபு உள்ளிட்ட படங்களில் நடித்து வந்த இவர் 'கார்கி' படத்தில் நெகட்டிவ் கதாபாத்திரத்தில் நடித்து மக்கள் மத்தியில் நல்ல வரவேற்பினையும் வாழ்த்துக்களையும் பெற்றார்.
இவர் கடைசியாக யோகிபாபுவிடன் இணைந்து நடித்த 'லக்கி மேன்' திரைப்படம் தற்போது திரையரங்கில் ஓடிக்கொண்டிருக்கிறது.
நேற்று(செப்.,1) சென்னையில் நடந்த உலக சினிமா என்னும் விழாவில் பங்கேற்ற இவர் இன்று(செப்.,2) காலை உடல்நலக்குறைவால் காலமானார் என்று செய்திகள் வெளியாகியுள்ளது.
இவரின் இறுதிச்சடங்குகள் சென்னை வளசரவாக்கத்தில் உள்ள அவரது இல்லத்தில் நடைபெறும் என்று தகவல்கள் வெளியாகியுள்ளது குறிப்பிடத்தக்கது.