விஜய் உடன் கை கோர்க்கும் வெற்றிமாறன்; உற்சாகத்தில் ரசிகர்கள்
செய்தி முன்னோட்டம்
கோலிவுட்டில் அனைத்து நடிகர்களும், இவரின் இயக்கத்தில் ஒருமுறையேனும் நடித்துவிட வேண்டும் என ஏங்கும் ஒரு முக்கிய இயக்குனர், வெற்றிமாறன்.
வெற்றிமாறனின் அழுத்தமான கதை தேர்வும், விறுவிறுப்பான திரைக்கதையும், நறுக்கென்ற வசனங்களும் அனைவராலும் விரும்பப்படுபவை. தொடர்ச்சியாக தனுஷுடன் இணைந்து பணிபுரிந்ததோடு மட்டுமல்லாமல், தேசிய விருதையும் தேடி தந்தவர் வெற்றிமாறன்.
அவர், நடிகர் விஜயை இயக்குவது குறித்து தற்போது மனம் திறந்துள்ளார்.
சமீபத்தில் நடைபெற்ற ஒரு நிகழ்ச்சியின் பத்திரிக்கையாளர் சந்திப்பில் கலந்துகொண்டு பேசிய வெற்றிமாறன், விடுதலை 2 , வாடிவாசல் மற்றும் வடசென்னை 2 போன்ற படங்களின் அப்டேட்டும் தந்தார்.
card 2
கைவசம் இருக்கும் படங்களை முடித்து இணையப்போகும் வெற்றிமாறன்-விஜய் கூட்டணி
"நடிகர் விஜய்யும், நானும் இணைந்து படம் பண்ணுவது குறித்து நீண்ட நாட்களாக பேசி வருகிறோம். அவரும் என் படத்தில் நடிக்க தயாராக உள்ளார். கைவசம் உள்ள படங்களை முடித்த பின் நிச்சயம் விஜய்யுடன் இணைவேன். அந்த நேரம் நான் சொல்லும் கதை அவருக்கு பிடிக்க வேண்டும்" என வெற்றிமாறன் அந்த நிருபர் சந்திப்பில் கூறினார்.
அதுமட்டுமின்றி, 'விடுதலை 2' படம் முடிவடைந்ததும் 'வாடிவாசல்' ஷூட்டிங் துவங்கும் என்றும், இதற்காக ஜல்லிக்கட்டு காளை வடிவில் ஒரு ரோபோட் தயாராகி வருவதாகவும் அவர் குறிப்பிட்டார்.
அதோடு, இந்த படங்கள் எல்லாம் முடிவடைந்ததும், 'வடசென்னை 2' படப்பிடிப்பு நடைபெறும் என தானும் எதிர்பார்ப்பதாக இயக்குனர் வெற்றிமாறன் தெரிவித்தார்.