திரைப்பட தயாரிப்பு நிறுவனம் துவங்கிய இயக்குனர் நெல்சன் திலீப் குமார்
தமிழ் சினிமாவில் பிரபல இயக்குனராக இருப்பவர் நெல்சன் திலிப்குமார். கடைசியாக அவர் ரஜினிகாந்தை வைத்து,'ஜெயிலர்' என்ற வெற்றிப்படத்தை இயக்கினார். இந்தநிலையில், நெல்சன் புதிதாக ஒரு தயாரிப்பு நிறுவனத்தை தொடங்கியுள்ளதாக அறிவித்தார். அந்த அறிக்கையில்,"மீடியா மற்றும் சினிமா துறையில் நான் கடந்த 20 ஆண்டுகளாக பயணித்து வருகிறேன். என்னுடைய இந்த பயணத்தில் பல ஏற்றங்களையும், சரிவுகளையும், சந்தித்துள்ளேன். அதேநேரம் இந்த துறை என்னுடைய வளர்ச்சிக்கு காரணமாகவும் அமைந்தது". "நான் ஃபிளமென்ட் பிச்சர் என்கிற பெயரில் என்னுடைய புதிய தயாரிப்பு நிறுவனம் துவங்கியுள்ளேன். இந்த நிறுவனத்தின் மூலம் வித்தியாசமான சிந்தனைகளோடு படம் இயக்க ஆர்வம் காட்டும் இளைஞர்களுக்கு வாய்ப்பு கொடுக்கவுள்ளேன். என்னுடைய முதல் தயாரிப்பு படம் குறித்த அறிவிப்பு மே 3-ஆம் தேதி வெளியாகும்" எனத்தெரிவித்துள்ளார்.
ஃபிளமென்ட் பிச்சர்
#NelsonDilipkumar Production #FilamentPictures First Movie Announcement in 2 Days, Friday 🎂 KK 🥫Believed to be #StarMovie Hero #Kavin's Next #Kavin06 with Nelson AD in Doctor, KoKo #Sivabalan Direction co-starring #AkshayaHariharan #AnarkaliNazar, Jailer Dhanraj 🦌 13 pic.twitter.com/p9309j5IWh— CineScoop (@Cine_Scoop) May 1, 2024
