இயக்குனர், நடிகர் சமுத்திரக்கனியின் 50வது பிறந்தநாள் இன்று
செய்தி முன்னோட்டம்
உதவி இயக்குனராக தமிழ் திரைப்பட உலகில் கால் பதித்த சமுத்திரக்கனி, இன்று ஆஸ்கார் விருது பட்டியலில் பரிந்துரைக்கப்பட்ட RRR படத்தின் முக்கிய கதாபாத்திரத்தில் நடித்தவர் என்ற பெருமையோடு முன்னேறி இருக்கிறார்.
இவரின் 50வது பிறந்தநாள் இன்று!
ராஜபாளையம் மாவட்டத்தில் உள்ள சேய்த்தூர் என்ற ஊரில் பிறந்த சமுத்திரக்கனி, கணக்கிலும், சட்டத்திலும் பட்டப்படிப்பை முடித்தவர்!
ஆம், அவரது படங்களில் பேசப்படும் புரட்சி கருத்துகளுக்கு, அவரின் சட்ட ஞானமும் காரணமாக இருக்கலாம்.
பின்னர், இயக்குனர் சுந்தர் கே.விஜயன் என்பவரிடம் உதவி இயக்குனராக சேர்ந்தார்.
இவரின் பணியை கண்ட இயக்குனர் கே.பாலசந்தர், தன்னுடைய 'பார்த்தாலே பரவசம்' படத்தில், இவரையும் உதவி இயக்குனராக சேர்த்துக்கொண்டார். அந்த படத்தில் ஒரு சின்ன வேடத்திலும் நடித்திருப்பார்.
card 2
சின்னத்திரையில் இயக்குனர் அவதாரம்
பாலச்சந்தரின் புகழ் பெற்ற சீரியலான 'அண்ணி'-யிலும், பணி புரிந்தார்.
அந்த அனுபவத்தை கொண்டு, ராதிகா நடித்த அரசி, செல்வி என்று இரு பெரும் சூப்பர்ஹிட் சீரியலை இயக்கினார். அந்த சீரியலின் வெற்றி, அவருக்கு மீண்டும் வெள்ளித்திரையில் கதவுகளை திறந்தது எனலாம்.
SPB சரண், வெங்கட் பிரபுவை நாயகர்களாக கொண்டு, 'உன்னை சரணடைந்தேன்' என்ற படத்தை இயக்கினார். படம் கலவையான விமர்சனத்தை பெற்றது.
இடையில், இயக்குனர் சசிகுமாருடன் ஏற்பட்ட நட்பின் காரணமாக, 'சுப்ரமணியபுரம்' படத்தில் அவர் நடிக்கவே, அவரை பலரும் அடையாளம் கண்டுகொண்டனர்.
அதன் பின்னர், சசிகுமாரை வைத்து அவர் இயக்கிய 'நாடோடிகள்' திரைப்படம், அவர் வாழ்க்கையை புரட்டி போட்டது எனலாம்.
தற்போது இயக்குனர், நடிகர் என இருக்குதிரைகளில் வெற்றிகரமாக சவாரி செய்துவருகிறார்.