சிறுத்தை படத்தில் நடித்த குட்டி பொண்ணா இப்படி வளந்துட்டாங்க? வைரல் ஆகும் புகைப்படங்கள்
செய்தி முன்னோட்டம்
'சிறுத்தை' படத்தில், கார்த்தியின் குழந்தையாக நடித்த குட்டி பாப்பாவை நினைவிருக்கிறதா? அந்த சுட்டி பாப்பாவின் பெயர் ரக்ஷனா. அப்போது, ஒரு சில படங்களில் நடித்து இருந்தவர், அதன் பிறகு சில காலம் திரையிலிருந்து ஒதுங்கி இருந்தார். அவர் தற்போது, அவரே ஹீரோயினாக நடிக்கும் அளவிற்கு வளர்த்துள்ளார். அவரின் புகைப்படங்களும், சமீபத்திய பேட்டி ஒன்றும் வைரலாகி வருகிறது. அவரின் பேட்டியின் படி, சிறுத்தை படத்தில் நடிக்கும் போது அவருக்கு வயது மூன்றரை வயது தானம். இவர் நடித்த ஒரு விளம்பரத்தை பார்த்து தான், சிறுத்தை சிவா, இவரை நடிக்க அணுகியதாகவும் அவர் தெரிவித்துள்ளார். சிறுத்தை படத்தின் வெற்றிக்கு பிறகு பல படங்களில் அவர் நடித்துள்ளார்.
ட்விட்டர் அஞ்சல்
'சிறுத்தை' ரக்ஷனாவின் நேர்காணல்
Karthi பொண்ணா இவங்க ஆளே அடையாளம் தெரியாம மாறிட்டாங்க! - Baby #Rakshana | #Siruthai | #PS2
— SS Music (@SSMusicTweet) March 24, 2023
▶️https://t.co/ziEqpgrOsF#siruthai #ponniyinselvan2 #karthi #babyrakshana #ssmusic pic.twitter.com/auwI7XTvSQ
'சிறுத்தை' ரக்ஷனா
மணிரத்னம் படத்திலும் நடித்துள்ள ரக்ஷனா
மணிரத்னம் இயக்கத்தில், கடல் படத்தில், ஹீரோயின் துளசியின் சிறு வயது கதாபாத்திரத்திலும் நடித்துள்ளாராம். அதனை தொடர்ந்து தான் ஓகே கண்மணி படத்தில் இவரை நடிக்க வைக்க மணிரத்னம் முடிவெடுத்தாராம். அதன் பிறகு, திரிஷா இல்லைனா நயன்தாரா, பாண்டிய நாடு, நிமிர்ந்து நில் போன்ற படங்களிலும் நடித்துள்ளார் ரக்ஷனா. அதன் பிறகு, திரையுலகிலிருந்து ஒதுங்கியது எதற்காக எனக்கேட்கப்பட்டதற்கு, பரதநாட்டியம் கற்றுக்கொள்ள வேண்டும் என ஆசைப்பட்டதால், திரையுலகை விட்டு சிறிய பிரேக் எடுத்ததாக அவர் கூறியுள்ளார். ரக்ஷனா தற்போது 12 ஆம் வகுப்பு படித்து வருகிறாராம்! படிப்பின் மீது கவனம் இருப்பதால், அதிக படங்களை ஒத்துக்கொள்வதில்லை எனவும், நல்ல கதாபாத்திரங்கள் வந்தால், நிச்சயம் நடிப்பை தொடர்வேன் எனவும் ரக்ஷனா அந்த நேர்காணலில் தெரிவித்துள்ளார்.