20 ஆண்டுகளுக்கும் மேலாக வடிவேலுவை ஒதுக்கிய 'தல' அஜித்: வெளியான உண்மை காரணம்
நடிகர் அஜித்குமார், ராஜா என்ற படத்தில், நடிகை ஜோதிகாவுடன் நடித்திருந்தார். அந்த படத்தில் நகைச்சுவை கதாபாத்திரத்தில் வடிவேலு நடித்திருந்தார். ஆனால், அதன் பிறகு வேறெந்த படத்திலும், வடிவேலுவுடன் நடிக்கவே இல்லை. இது எதார்த்தமாக நடந்தது அல்லவென்றும், அஜித் வேண்டுமென்ற இந்த முடிவை எடுத்தார் என்றும் தற்போது செய்திகள் தெரிவிக்கின்றன. அதன்படி, வடிவேலுவுடன், அஜித்திற்கு ஏற்பட்ட மனக்கசப்பு தான் காரணம் என்றும் தற்போது தெரியவந்துள்ளது. 20 ஆண்டுகளுக்கு முன்னர், எழில் இயக்கத்தில் உருவான படம் தான் ராஜா. ராஜா படத்தின் கதைப்படி, அஜித்தின் மாமாவாக நடித்திருந்தார் வடிவேலு. அதனால், அந்த கேரக்டருக்கு ஏற்ப, அந்த படம் முழுவதும், வடிவேலு அஜித்தை 'டா' போட்டு தான் அழைத்திருந்தார்.
அஜித்தை மரியாதை இல்லாமல் பேசிய வடிவேலு
ஆனால், அதே பழக்கத்தில், படப்பிடிப்பு இல்லாத சமயத்திலும், நடிகர் வடிவேலு, அஜித்தை, 'வாடா', 'போடா' என்றே அழைத்தாராம். அனைவருக்கும் மரியாதை தரவேண்டும் என நினைக்கும் அஜித்திற்கு, வடிவேலுவின் இந்த பேச்சு பிடிக்கவில்லை போலும். அதனால் படப்பிடிப்பில், வடிவேலுவுடன் பேசுவதை நிறுத்திவிட்டாராம் அஜித். ஆனால், தொடர்ந்து வடிவேலு, அதே போல தன்னை அழைத்து கொண்டிருந்ததால், இயக்குனர் எழிலிடம் முறையிட்டிருக்கிறார் அஜித். எழிலும், வடிவேலுவிடம் இதை பற்றி பேசியுள்ளார். ஆனால் வடிவேலு, அஜித்தை 'டா' போடுவதை நிறுத்தவே இல்லை போலும். அப்போது முடிவெடுத்தாராம் நடிகர் அஜித். இனி எப்போதும் வடிவேலுவுடன் நடிப்பதில்லை என்று. அந்த சமயத்தில், வடிவேலு கோலோச்சிக்கொண்டிருந்தார் என்பது குறிப்பிடத்தக்கது. வடிவேலுவின் காமெடிக்காகவே பல படங்கள் ஓடின என்பது மறுப்பதற்கில்லை.
