29 வருடங்களுக்கு பிறகு 'அஜித் 62'வில் இணையும் அஜித் -அரவிந்த்சாமி கூட்டணி
செய்தி முன்னோட்டம்
வருகிற பொங்கல் தினத்தையொட்டி அஜித்தின் நடிப்பில் வெளியக இருக்கும் படம் துணிவு.
இப்படத்தை H.வினோத் இயக்கியுள்ளார். அஜித்தின் 61வது படமான இது ஒரு ஆக்ஷன் த்ரில்லர் படமாகும்.
இப்படத்தின் பாடல்கள் சமூக வலைத்தளங்களில் வெளியாகி நல்ல வரவேற்பை பெற்றது.
அதுமட்டுமின்றி இந்த படத்தின் ட்ரைலர் தற்போது யூடியூபில் 55 மில்லியனுக்கும் மேற்பட்ட தடவை பார்க்கப்பட்டுள்ளது.
இந்த படம் ரசிகர்களிடையே பெரும் எதிர்பார்ப்பை ஏற்படுத்தியுள்ளது.
இதனைத்தொடர்ந்து அஜித்தின் அடுத்த படமான 'அஜித் 62' படத்தை விக்னேஷ் சிவன் இயக்கவுள்ளார்.
இந்த படத்தை சுபாஸ்கரன் தயாரிக்கிறார். இப்படத்திற்கு அனிரூத் இசையமைக்கிறார்.
தற்போது இந்த படத்தின் வில்லனாக அரவிந்த்சாமி நடிக்க இருப்பதாக தகவல் வெளியாகி உள்ளது.
அஜித் 62
நீண்ட நாட்களுக்கு பிறகு சந்தானம் நகைச்சுவை நடிகராக நடிக்கிறாரா?
29 ஆண்டுகளுக்கு பிறகு அரவிந்த்சாமி அஜித்துடன் இணைந்து நடிக்க இருக்கிறார்.
இதற்கு முன்பு, 1994-ஆம் ஆண்டு வெளிவந்த பாசமலர்கள் படத்தில் இவர்கள் இருவரும் இணைந்து நடித்தனர்.
சுரேஷ் சந்திரமேனன் இப்படத்தின் இயக்குனர் ஆவார். ஒரு பெரிய இடைவேளைக்கு பிறகு இவர்கள் இருவரும் திரையில் இணைவது ரசிகர்களின் ஆவலை அதிகரித்துள்ளது.
மேலும் இப்படத்தில் நடிகர் சந்தானமும் நடிக்கப் போவதாக கூடுதல் தகவல் வெளியாகியுள்ளது.
இவர்கள் இருவரும் ஏற்கனவே வீரம் படத்தில் இணைந்து நடித்துள்ளனர்.
நீண்ட நாட்களுக்கு பிறகு சந்தானம் நகைச்சுவை நடிகராக இந்த படத்தில் நடிக்கிறார் என்பது குறிப்பிடத்தக்கது.
எனினும் இதை பற்றிய அதிகாரப்பூர்வ அறிவிப்பு இன்னும் வரவில்லை.
படத்தின் மற்ற நடிகர்கள் மற்றும் படக்குழுவின் விவரம் பற்றி விரைவில் அறிவிக்கப்படும் என எதிர்பார்க்கப்படுகிறது.
ட்விட்டர் அஞ்சல்
அஜித் 62 படத்தின் புதிய தகவல்
#CinemaUpdate | வில்லனுக்கே வில்லனாகிறார் அரவிந்த் சாமி? #SunNews | #AK62 | #AjithKumar | @VigneshShivN | @thearvindswami | @iamsanthanam pic.twitter.com/BrY921yZo8
— Sun News (@sunnewstamil) January 6, 2023