'The GOAT' : எக்ஸ் தளத்தில் வைரலாகும் தளபதி விஜயின் GOAT புகைப்படங்கள்
இயக்குனர் வெங்கட் பிரபு இயக்கத்தில் நடிகர் விஜய் கதாநாயகனாக நடிக்கும் "GOAT" படத்தின் புகைப்படங்கள் இணையத்தில் வைரலாகி வருகின்றன. நடிகர் விஜயின் 68வது படமான "GOAT" படத்தை வெங்கட் பிரபு இயக்க, இதில் பிரசாந்த், பிரபுதேவா மற்றும் மோகன், ஸ்னேகா, லைலா உள்ளிட்ட பல மூத்த நடிகர்கள் நடித்துள்ளனர். யுவன் ஷங்கர் ராஜா இசையமைக்கும் இந்த படத்தை ஏஜிஎஸ் எண்டெர்டைன்மெண்ட்ஸ் சார்பில் அர்ச்சனை கல்பாத்தி தயாரித்துள்ளார். படத்தின் டிரெய்லர்"அண்ணே வரார் வழிவிடு" என்ற தலைப்பில் தமிழ், தெலுங்கு மற்றும் இந்தியில் ஆகஸ்ட் 15 அன்று வெளியானது. ரசிகர்கள் கொடுத்த அமோக வரவேற்பால் டிரெய்லர் மில்லியன் கணக்கான பார்வைகளை பெற்றது. இந்நிலையில், சனிக்கிழமை (ஆகஸ்ட் 24) படத்தின் புகைப்படங்கள் எக்ஸ் தளத்தில் வைரலாகி வருகின்றன.
