விபத்தில் சிக்கிய விஜய் ஆண்டனி; அறுவை சிகிச்சைக்காக சென்னைக்கு கொண்டு வரப்படுகிறார்
'பிச்சைக்காரன் 2 ' படப்பிடிப்பிற்காக மலேசியா சென்ற நடிகர்-இசையமைப்பாளர் விஜய் ஆண்டனி, படப்பிடிப்பு தளத்தில், நேற்று ஒரு பெரும் விபத்தில் சிக்கினார். மலேசியாவில் உள்ள லங்காவி தீவில், ஒரு படகு காட்சி எடுக்கப்பட்டதாகவும், அந்த படகை விஜய் ஆண்டனி வேகமாக ஒட்டியதாகவும் கூறப்படுகிறது. அப்போது அருகில் சென்ற மற்றொரு படகில் மோதி விபத்து உண்டானதாகவும், அதில் அவர் பலத்த காயமடைந்து, தண்ணீரில் மயங்கி விழுந்ததாவும் செய்திகள் தெரிவிக்கின்றன. திரைப்பட குழுவினர், விஜய் ஆண்டனியை மீட்டு மலேசியா மருத்துவமனையில் அனுமதித்தனர். அங்கு, அவருக்கு தீவிர சிகிச்சை அளிக்கப்பட்டுள்ளதாகவும், அறுவை சிகிச்சைக்கு அறிவுறுத்தப்பட்டுள்ளது. அதனால், விமானம் மூலம், இன்றிரவு சென்னைக்கு கொண்டு வரப்படுகிறார் என ஊடகங்கள் தெரிவிக்கின்றன. இந்த செய்தியை தயாரிப்பாளர் தனஞ்செயன் உறுதிப்படுத்தி உள்ளார்.
