காதலில் விழுந்த நடிகர் அர்ஜுன்; எந்த நடிகையுடன் தெரியுமா?
செய்தி முன்னோட்டம்
ஆக்ஷன் கிங் அர்ஜுன், பல வெற்றி படங்களில் நடித்தவர். உடற்பயிற்சி மீது தீவிர ஆர்வம் கொண்ட அர்ஜுன், சிறு வயது முதல், போலீசாகவோ, ராணுவத்தில் சேரவோ விருப்பப்பட்டார்.
ஆனால், திரைபின்ணனி கொண்டிருந்த அர்ஜுனுக்கு, பதின்வயதிலியே படவாய்ப்புகள் வந்தன. 80களின் தொடக்கத்தில் திரையுலகிற்கு அறிமுகம் ஆனார்.
கன்னட படத்தில் தான் முதலில் அறிமுகம் ஆனார் அர்ஜுன். அதன் பிறகு, ராம நாராயணனின் 'நன்றி' என்ற படத்தின் மூலம் தான் தமிழ் உலகிற்கு அறிமுகம் ஆனார்.
தொடர்ந்து பல வெற்றி படங்களில் நடித்தவருக்கு, அதன் பின்னர் அவரது சினிமா வாழ்க்கையில் சிறிய சுணக்கம் ஏற்பட்டது.
எனினும், காதல் கிசுகிசுக்களில் இன்றளவும் சிக்காத ஒரே நடிகராக அர்ஜுனை கூறுவார்கள்.
அர்ஜுன்
நளினியை காதலித்த நடிகர் அர்ஜுன்?
எனினும், அவரும் தீவிரமாக ஒரு முன்னணி நடிகையை காதலித்ததாக செய்திகள் தற்போது வெளிவந்துள்ளன. ஆனால், இது பற்றி அந்த நடிகைக்கு தெரியாது எனவும், அவர் வேறு ஒரு நடிகரை காதலித்து, ஓடி போய் திருமணம் செய்து கொண்டதாகவும் அந்த செய்தியில் தெரிவிக்கப்பட்டுள்ளது.
ஆம், 'யார்' மற்றும் 'எங்கள் குரல்' ஆகிய படங்களில் அர்ஜூனுடன் நடித்த நளினியை தான் அர்ஜுன் ஒரு தலையாக காதலித்ததாக கூறப்படுகிறது. இது குறித்து அவரது நண்பர்களிடம் பகிர்ந்துள்ளதாகவும், ஆனால், நளினியிடம் அவரது காதலை கூறும் முன்னரே, நளினி, ராமராஜனை திருமணம் செய்து கொண்டார் எனவும் தெரிகிறது.
நடிகர் அர்ஜுன், அதன் பிறகு கன்னட நடிகையான நிவேதிதாவை காதல் திருமணம் செய்து கொண்டார் என்பது வேறு கதை!