தளபதி 67: ட்விட்டரில் மனோபாலா தந்த புதிய அப்டேட்
செய்தி முன்னோட்டம்
விஜய்யின் வாரிசு படம் வருகிற பொங்கல் தினத்தையொட்டி ஜனவரி 11ந்தேதி உலகமெங்கும் உள்ள திரையரங்குகளில் வெளியாகிறது.
இப்படத்தை தொடர்ந்து விஜய் அடுத்தாக 'தளபதி 67' படத்தில் நடிக்க இருக்கிறார். இன்னும் பெயரிடப் படாத இப்படத்தை லோகேஷ் கனகராஜ் இயக்குகிறார்.
இப்படத்தை செவன் ஸ்கீரீன் ஸ்டூடியோ நிறுவனம் தயாரித்துள்ளது. இசையமைப்பாளர் அனிரூத் இந்த படத்திற்கு இசையமைக்கிறார்.
மாஸ்டர் படத்திற்கு பிறகு விஜய் மற்றும் லோகேஷ் இணையும் இரண்டாவது படம் இதுவாகும்.
இப்படத்தின் படப்பிடிப்பு ஜனவரி முதல் வாரம் ஆரம்பிக்கப்படும் என முன்னரே கூறப்பட்டு இருந்தது.
கடந்த வாரம் படத்திற்கான டெஸ்ட் ஷூட் நடந்ததுள்ளது. இதனையடுத்து படத்தின் படப்பிடிப்பு நேற்று சென்னையிலுள்ள பிரசாத் ஸ்டுடியோவில் தொடங்கியுள்ளது.
வைரல் ட்வீட்
அதே எனர்ஜி, ஃபுல் ஸ்விங்.. அடி தூள் - மனோபாலாவின் வைரல் ட்வீட்
இந்நிலையில் இப்படத்தின் படப்பிடிப்பு ஆரம்பிக்கப்பட்டு காட்சிகள் படமாக்கப்பட்டு வருகின்றன.
இந்த காட்சிகளில் விஜய், த்ரிஷா, மன்சூர் அலிகான், மனோபாலா போன்றோர் நடித்துள்ளனர் என கூறப்படுகிறது .
இப்படத்தை குறித்த எந்த அதிகாரப்பூர்வ அறிவிப்பும் இன்னும் அறிவிக்கப்படவில்லை.
இந்நிலையில் இயக்குனர் மனோபாலா அவர்கள் இந்த படத்தின் அப்டேட்டை தனது ட்விட்டர் பக்கத்தில் பகிர்ந்துள்ளார்.
அதில் அவர் தளபதி 67 படத்தின் ஷூட்டிங் சென்னை தொடந்துவிட்டதாக கூறியுள்ளார்.
மேலும், படபிடிப்பில் விஜய் மற்றும் லோகேஷ் கனகராஜ் அவர்களை சந்தித்ததாகவும், அதே எனர்ஜி, ஃபுல் ஸ்விங்.. அடி தூள் எனவும் குறிப்பிட்டுள்ளார்.
இந்த பதிவு சமூக வலைத்தளங்களில் வைரலாகி ட்விட்டரில் ட்ரெண்டிங் ஆகியுள்ளது.