2022-ல் அதிக வசூல் செய்த டாப் 5 தமிழ் திரைப் படங்கள்
செய்தி முன்னோட்டம்
2022-ல் கோலிவுட் 60க்கும் மேற்பட்ட படங்களை வெளியிட்டுள்ளது. இதில் பெரும் எதிப்பார்ப்புடன் வெளிவந்த படங்களும் அடங்கும். எந்த வித எதிர்ப்பார்ப்பும் இல்லாமால் கதையை மட்டுமே நம்பி வெளிவந்து ஹிட்டாகிய படங்களும் அடங்கும். அந்த வகையில் இந்த வருடம் அதிக வசூல் சாதனை செய்த சில படங்களைப் பார்ப்போம். எழுத்தாளர் கல்கியின் நாவலை மையமாக கொண்டு வெளிவந்த படம் பொன்னியின் செல்வன்-1. பெரும் எதிப்பார்ப்புடன் வெளியான இந்த படம் நல்ல வரவேற்பை பெற்று சுமார் 500 கோடி வசூல் செய்து முதலிடத்தை பெற்றுள்ளது. இரண்டாவது இடத்தில் லோகேஷ் கனகராஜ் இயக்கி, கமல்ஹாசன் நடித்து வெளிவந்த விக்ரம் படம் பெற்றுள்ளது. இது உலகம் முழுவதும் உள்ள திரையரங்குகளில் வெளியிடப்பட்டு சுமார் 420 கோடி வசூலை ஈட்டியது.
பாக்ஸ் ஆபிஸ்
அதிக வசூல் செய்த பாக்ஸ் ஆபிஸ் திரைப்படங்கள்
தளபதி விஜய் நடிப்பில், நெல்சன் இயக்கத்தில் வெளிவந்த பீஸ்ட் படம் மூன்றாவது இடத்தை பெற்றுள்ளது. இது எதிப்பார்த்த வரவேற்பை கொடுக்க விட்டாலும் வணிக ரீதியில் சுமார் 235 கோடிக்கும் மேல் வசூலை ஈட்டியது. நான்காவது இடத்தில் கடந்த பிப்ரவரி மாதம் வெளியான தல அஜித்தின் நடிப்பில், ஹச். வினோத் இயக்கி வெளிவந்த வலிமை படம் பெற்றுள்ளது. இந்த படமும் எதிர்ப் பார்த்த பெரிய வெற்றியை பெறவில்லை என்றாலும், இது சுமார் 200 கோடி வசூல் செய்தது. ஐந்தாவது இடத்தில் கடந்த மார்ச் 10 ஆம் தேதி திரைக்கு வந்த சூர்யா நடித்து, பாண்டியராஜ் இயக்கி வெளிவந்த எதற்கும் துணிந்தவன் படம் இடம்பெற்றுள்ளது. இந்த படம் சுமார் 179 கோடி வசூலை ஈட்டியது.