Galaxy மாடல் புதிய கேஜெட்களுக்கான இந்திய விலைப்பட்டியலை வெளியிட்டது சாம்சங்
செய்தி முன்னோட்டம்
சாம்சங் தனது புதிய Galaxy மடிக்கக் கூடிய (ஃபோல்டிங்) ஸ்மார்ட்போன், டேப்லெட்கள் மற்றும் ஸ்மார்ட்வாட்ச்களின் இந்திய விலைகளை வெளியிட்டுள்ளது.
முன்னதாக, சாம்சங் நிறுவனம் தனது புதிய தலைமுறை Galaxy Z Fold, Galaxy Z Flip 5, Galaxy Tab S9 சீரீஸ் மற்றும் Galaxy Watch 6 சீரீஸ்களை வெளியிட்டது.
சியோமி மற்றும் ஓப்போ போன்ற போட்டியாளர்களிடமிருந்து பிரீமியம் பிரிவில் நிறுவனம் தொடர்ந்து கடுமையான போட்டியை எதிர்கொள்வதால், இந்த ஆண்டு, சாம்சங் தனது பெரும்பாலான கேஜெட்களின் விலைகளை மாற்றாமல் வைத்துள்ளது.
மேலும், புதிதாக அறிமுகப்படுத்தப்பட்டுள்ள அனைத்து புதிய கேஜெட்களுக்கும் முன்பதிவு ஜூலை 27 முதல் ஆகஸ்ட் 17 வரை செயலில் இருக்கும். அதன் பிறகு நேரடி விற்பனை நடைபெறும்.
samsung galaxy price table released
சாம்சங் மாடல் புதிய தயாரிப்புகளின் இந்திய விலைப்பட்டியல்
புதிய சாம்சங் ஃபோல்டிங் போன்களில் இப்போது ஸ்னாப்டிராகன் 8 ஜெனரல் 2 SoC மற்றும் புதிய கீல் வடிவமைப்பு உள்ளது. சாம்சங் Galaxy Z Flip 5 டிஸ்ப்ளேவிற்கும் சில மேம்படுத்தல்களை செய்துள்ளது.
Galaxy Z Flip 5 குறைந்தபட்சமாக ரூ 99,999இல் தொடங்கி, அதிகபட்சமாக ரூ 1,84,999 வரை விலை நிர்ணயிக்கப்பட்டுள்ளது.
முன்பதிவு செய்யும் வாடிக்கையாளர்களுக்கு ரூ.23,000 மதிப்புள்ள கேஷ்பேக் சலுகைகளை வழங்குகிறது.
Galaxy Watch 6இன் விலை ரூ 29,999 முதல் ரூ. 43,999 வரை நிர்ணயிக்கப்பட்டுள்ளது. இதற்கு ரூ.6,000 வரை கேஷ்பேக் சலுகை வழங்கப்படுகிறது.
Galaxy Tab S9இன் விலை ரூ.72,999 முதல் ரூ 1,33,999 வரை நிர்ணயிக்கப்பட்டுள்ளது. இதற்கு ரூ.12,000 வரையிலான கேஷ்பேக் சலுகையை சாம்சங் வழங்குகிறது.