இந்திய பங்குச் சந்தையில் ஐபிஓ வெளியிட தயாராகிறது எல்ஜி எலக்ட்ரானிக்ஸ்; ₹15,000 கோடி நிதி திரட்ட திட்டம்
தென்கொரிய தொழில்நுட்ப நிறுவனமான எல்ஜி எலக்ட்ரானிக்ஸின் இந்தியப் பிரிவான எல்ஜி எலெக்ட்ரானிக்ஸ் இந்தியா, செக்யூரிட்டீஸ் அண்ட் எக்ஸ்சேஞ்ச் போர்டு ஆஃப் இந்தியாவில் (செபி) அதன் வரைவு ரெட் ஹெர்ரிங் ப்ராஸ்பெக்டஸை (டிஆர்ஹெச்பி) தாக்கல் செய்துள்ளது. ஆரம்ப பொது வழங்கல் (ஐபிஓ) மூலம் ₹15,000 கோடி திரட்ட நிறுவனம் திட்டமிட்டுள்ளது. இது ஹூண்டாய் மோட்டார் இந்தியாவின் ₹27,870 கோடி ஐபிஓ வெளியீட்டின் இரண்டு மாதங்களுக்குள் வருகிறது. எல்ஜி எலெக்ட்ரானிக்ஸ் இந்தியாவின் முன்மொழியப்பட்ட ஐபிஓ என்பது 101.8 மில்லியன் ஈக்விட்டி பங்குகள் அல்லது நிறுவனத்தில் 15% பங்குகள் வரை ஆஃப்லோடு செய்வதற்கான சலுகை (OFS) ஆகும். 2010இல் கோல் இந்தியாவின் ₹15,200 கோடி ஐபிஓவுக்கு அடுத்து, ஒட்டுமொத்தமாக, இது இந்தியாவின் ஐந்தாவது பெரிய வெளியீட்டாக மாறும்.
சந்தை நிலை மற்றும் நிதி செயல்திறன்
இந்திய சந்தையில், சாம்சங் இந்தியா எலெக்ட்ரானிக்ஸ்க்கு அடுத்தபடியாக வீட்டு உபயோகப் பொருட்கள் மற்றும் நுகர்வோர் எலக்ட்ரானிக்ஸ் ஆகியவற்றில் எல்ஜி எலக்ட்ரானிக்ஸ் இரண்டாவது பெரிய நிறுவனமாக உள்ளது. நிதியாண்டு 24க்கு நிறுவனம் செயல்பாடுகளின் மூலம் ₹21,352 கோடி வருவாய் ஈட்டியுள்ளது. ரெட்சீர் அறிக்கையில் குறிப்பிடப்பட்டுள்ளபடி, இந்தியாவில் ஆஃப்லைன் சேனலில் மதிப்பு சந்தைப் பங்கின் அடிப்படையில் எல்ஜி எலக்ட்ரானிக்ஸ் இந்தியா தொடர்ந்து 13 ஆண்டுகளாக (CY2011-CY2023) தொழில்துறையில் தனது முதல் இடத்தைத் தக்க வைத்துக் கொண்டுள்ளது. கடந்த ஐந்து ஆண்டுகளில் இந்தியாவின் உபகரணங்கள் மற்றும் எலக்ட்ரானிக்ஸ் சந்தை சுமார் 7% வளர்ச்சியடைந்துள்ளதாகவும் நிறுவனம் தெரிவித்துள்ளது. இந்த வளர்ச்சி விகிதம் அடுத்த ஐந்து ஆண்டுகளில் சுமார் 12% ஆக உயரும் என எதிர்பார்க்கப்படுகிறது.
