ஒரே நாளில் சவரனுக்கு ₹3,600 அதிகரிப்பு: ஜெட் வேகத்தில் உயரும் தங்கம் வெள்ளி விலைகள்; இன்றைய நிலவரம்
செய்தி முன்னோட்டம்
சமீப காலமாக தொடர்ந்து ஏற்றத்தில் இருக்கும் தங்க விலை, வெள்ளிக்கிழமை (ஜனவரி 23) மீண்டும் கடுமையாக உயர்ந்துள்ளது. வெள்ளிக்கிழமை சென்னையில் 22 காரட் ஆபரண தங்கத்தின் விலை ஒரு கிராம் ₹450 அதிகரித்து ₹14,650 க்கு விற்பனை செய்யப்படுகிறது. 22 காரட் ஆபரண தங்கத்தின் விலை ஒரு சவரன் ₹3,600 அதிகரித்து ₹1,17,200 ஆக விற்பனை செய்யப்பட்டு வருகிறது. மறுபுறம், 24 காரட் சுத்த தங்கத்தின் விலை ஒரு கிராம் ₹491 அதிகரித்து ₹15,982 ஆக விற்பனை செய்யப்படுகிறது. 24 காரட் சுத்த தங்கத்தின் விலை ஒரு சவரன் ₹3,928 அதிகரித்து ₹1,27,856 ஆக விற்பனை செய்யப்பட்டு வருகிறது.
வெள்ளி விலை
வெள்ளி விலையும் கடும் உயர்வு
18 காரட் தங்கத்தின் விலையும் உயர்ந்துள்ளது. அதன்படி, 18 காரட் தங்கத்தின் விலை, தற்போது ஒரு கிராம் ₹370 அதிகரித்து ₹12,220 ஆகவும், ஒரு சவரன் ₹2,960 அதிகரித்து ₹97,760 ஆகவும் விற்கப்படுகிறது. இதற்கிடையே வெள்ளி விலையும் வெள்ளிக்கிழமை கடும் உயர்வை சந்தித்துள்ளது. வெள்ளி விலை தற்போதைய நிலவரப்படி ஒரு கிராம் ₹20 அதிகரித்து ₹360.00 ஆகவும், ஒரு கிலோ ₹3,60,000 ஆகவும் விற்பனை ஆகிறது. சர்வதேச சூழல் மற்றும் தொழில்துறையில் வெள்ளியின் தேவை உயர்வு போன்ற காரணிகளால் தங்கம் வெள்ளி விலைகளில் தொடர்ந்து நிலையற்ற தன்மை நீடிக்கும் என நிபுணர்கள் கணித்துள்ளனர்.