பெண்களுக்கான காண்டம் மற்றும் கிராமப்புற இந்தியாவை குறி வைக்கும் Durex
டியூரெக்ஸ் (Durex) பிராண்டின் கீழ் ஆணுறை தயாரிப்பில் உலகளாவிய முன்னணி நிறுவனமான Reckitt Benckiser, இந்தியாவில் தனது சந்தைப்படுத்தல் உத்தியை மாற்றுகிறது. இந்த நிறுவனம் பெண்கள் மற்றும் கிராமப்புற நுகர்வோரின் சந்தையை பயன்படுத்த தனது வியாபார யுக்தியை மாற்ற திட்டமிட்டு வருகிறது. டியூரெக்ஸின் குறிப்பிடத்தக்க இலக்கு, வாடிக்கையாளர்களாக இப்போது அங்கீகரிக்கப்பட்டுள்ள இந்தியப் பெண்களிடையே காண்டம் பயன்பாடு குறித்த மனப்பான்மை மாறியுள்ளதன் பிரதிபலிப்பாக இந்த நடவடிக்கை வந்துள்ளது.
இந்தியப் பெண்களிடையே காண்டம் பயன்பாடு அதிகரித்துள்ளது
2021ஆம் ஆண்டளவில், திருமணமான இந்தியப் பெண்களில் சுமார் 9.5% பேர் உடலுறவின் போது காண்டம்களைப் பயன்படுத்தியதாக அரசாங்கப் புள்ளிவிவரங்கள் தெரிவிக்கின்றன. இது ஐந்து ஆண்டுகளுக்கு முந்தைய விகிதத்தை விட இரு மடங்கு அதிகமாகும். இந்திய ஆண்களில் 10% மட்டுமே ஆணுறைகளைப் பயன்படுத்துகின்றனர். அதே சமயம் பெண் கருத்தடை தான் முதன்மையான கருத்தடை முறையாக உள்ளது. திருமணமாகாத பெண்களில், காண்டம் பயன்பாடு இருமடங்காக அதிகரித்து, 27% ஆக உள்ளது. இந்த பயன்பாட்டின் அதிகரிப்பு, ரெக்கிட்டை அதன் தயாரிப்பு சலுகைகள் மற்றும் சந்தைப்படுத்தல் பிரச்சாரங்களை மறுமதிப்பீடு செய்ய தூண்டியது. மேலும் நகர்ப்புற ஆண் நுகர்வோர் மீதான அவர்களின் பாரம்பரிய கவனத்தை மாற்றியது.
பெண்களை கவரும் வகையில் டியூரெக்ஸ் தயாரிப்பு வரிசையை புதுப்பிக்கிறது
பெண் நுகர்வோரை அதிகம் ஈர்க்கும் வகையில் லூப்ரிகண்டுகள் போன்ற தயாரிப்புகளை Reckitt புதுப்பித்து வருகிறது. உடலுறவின் போது பெண்கள் எதிர்கொள்ளும் பிரச்சனைகளை நிவர்த்தி செய்ய இந்த நிறுவனம் மருத்துவ ஆய்வுகளை நடத்தியது. 30% இந்திய பெண்கள் தங்கள் கூட்டாளிகளுடன் அசௌகரியத்தை அனுபவிப்பதாக கண்டறியப்பட்டுள்ளது. "நாங்கள் இதை மாற்ற விரும்புகிறோம்... அதனால்தான் நாங்கள் எங்கள் லூப்ஸ் போர்ட்ஃபோலியோவை மீண்டும் தொடங்குகிறோம்" என்று ரெக்கிட்டின் இன்டிமேட் வெல்னஸின் மூத்த துணைத் தலைவர் பங்கஜ் துஹான் கூறினார்.
பெண் காண்டம் சந்தையை குறிவைப்பதில் உள்ள சவால்கள்
Reckitt, பெண் காண்டம் சந்தை மற்றும் கிராமப்புற நுகர்வோரை குறிவைப்பதில் குறிப்பிடத்தக்க சவால்களை எதிர்கொள்கிறது. குறிப்பாக விநியோகம் மற்றும் விலை நிர்ணயம். "ரெக்கிட் எதிர்கொள்ளக்கூடிய பெரிய சவால், செய்தி அனுப்புதலின் நிலைத்தன்மை தான்" என்று சில்லறை வணிக ஆலோசனை நிறுவனமான தேர்ட் ஐசைட்டின் தலைவர் தேவங்ஷு தத்தா கூறினார். ஒவ்வொரு வகைக்கும் ஒரு தனிப்பட்ட காண்டம் தேவைப்படுவதால், உடல்நலம், குடும்பக் கட்டுப்பாடு அல்லது மகிழ்ச்ச்சியினை அவை மேம்படுத்துகிறதா என்பதை நிறுவனம் தீர்மானிக்க வேண்டும் என்று அவர் வலியுறுத்தினார்.
இந்தியாவின் காண்டம் சந்தை நம்பிக்கைக்குரிய வளர்ச்சியைக் காட்டுகிறது
சீனாவின் $4.1 பில்லியனுடன் ஒப்பிடும் போது வெறும் $210 மில்லியன் மதிப்புடையதாக இருந்தாலும், இந்தியாவின் காண்டம் சந்தை 2024 மற்றும் 2030க்கு இடையில் 7.4% கூட்டு வருடாந்திர விகிதத்தில் வளரும் என்று இந்திய ஆலோசனை நிறுவனமான 6Wresearch தெரிவித்துள்ளது. இருப்பினும், சந்தையை விரிவுபடுத்துவதற்கு, இந்தியாவின் பரந்த அளவு மற்றும் சிறிய அளவிலான சில்லறை விற்பனைக் கடைகளின் பரவல் காரணமாக விநியோக சவால்களை சமாளிக்க வேண்டியிருக்கும். தற்போது, டியூரெக்ஸ் இந்தியாவின் விற்பனையில் 10-15% மட்டுமே நகர்ப்புற நகரங்களை விட அதிக விலை உணர்திறன் கொண்ட கிராமப்புறங்களில் இருந்து வருகிறது.
