ஏலத்திற்கு வந்த மறைந்த நடிகர் 'பால் வால்க்கரி'ன் கார்.. எவ்வளவுக்கு ஏலம் போனது?
செய்தி முன்னோட்டம்
ஃபாஸ்ட் & ஃப்யூரியஸ் சீரிஸ் படங்களின் மூலம் உலகமெங்கும் புகழ் பெற்றவர், மறைந்த அமெரிக்க நடிகர் பால் வால்க்கர்.
அவர் பயன்படுத்திய '2000 நிஸான் ஸ்கைலைன் R34 GT-R' மாடல் காரானது ஏலம் விடப்பட்டது. இந்தக் காரை ஃபாஸ்ட் & ஃப்யூரியஸ் படங்கள் வரிசையில், நான்காவது படத்தில் பயன்படுத்தியிருப்பார் பால் வால்க்கர்.
அந்தத் திரைப்படம் வெளியானபோதே பால் வால்க்கர் ஓட்டிய இந்தக் கார் பலரது கவனத்தையும் ஈர்த்தது. அந்தக் காரே தற்போது ஏலம் விடப்பட்டிருக்கிறது.
ஏலத்தில் இந்தக் காரை 1.35 மில்லியன் அமெரிக்க டாலர்களுக்கு (இந்திய மதிப்பில் சுமார் 13.5 கோடி ரூபாய்) ஏலம் எடுத்திருக்கிறார் கார் ஆர்வலர் ஒருவர்.
ஆட்டோ
R34 GT-R-ன் சிறப்பம்சங்கள்:
காட்ஸில்லா என கார் ஆர்வலர்களால் செல்லமாக அழைக்கப்படும் இந்தக் கார் மாடல் 1992 முதல் 2002-ம் ஆண்டிற்குள் உருவாக்கப்பட்டது.
அந்த நேரத்தில் மிகவும் கொண்டாடப்பட்ட கடைசி தலைமுறை RB26DETT இன்ஜினே இந்தக் காரில் பயன்படுத்தப்பட்டிருக்கிறது. மேலும், ஆஃப்டர்மார்க்கெட் ட்யூனிற்கு மிகவும் வசதியான கார் மாடல் இது. அதுவும் இந்தக் கார் கொண்டாடப்படுவதற்கு ஒரு காரணமாக இருந்தது.
R32 மற்றும் R33 கார் மாடல்களின் அடுத்த கட்ட வெர்ஷனாக வெளியானதே இந்த R34 GT-R கார் மாடல்.
ஜப்பானில் இருந்து இந்தக் காரை கெய்ஸோ இன்டஸ்ட்ரீஸ் நிறுவனம் வாங்கி பின்பு அமெரிக்காவில் இறக்குமதி செய்யப்பட்டிருக்கிறது.
பலகட்ட மாடிபிகேஷன்களுக்குப் பிறகே இந்தக் காரை அந்தப் படத்தில் பயன்படுத்தியிருப்பார் பால் வால்க்கர்.