130கிமீ பயணம் செய்யும் ஒகாயா எலெக்ட்ரிக் ஸ்கூட்டர் அறிமுகம்!
ஒகாயா புதுமுக எலெக்ட்ரிக் ஸ்கூட்டர் மாடல் வரும் 10 ஆம் தேதி இந்திய சந்தையில் அறிமுகமாக உள்ளது. இதுகுறித்த தகவலை மிக சமீபத்தில் டீசர் படத்தின் வாயிலாக நிறுவனம் உறுதிப்படுத்தியிருந்தது. அதன்படி, ஒகாயா நிறுவனம் ஃபாஸ்ட் எஃப்3 எனும் எலெக்ட்ரிக் ஸ்கூட்டர் மாடலையே நாளை மறு நாள் (பிப்ரவரி 10) இந்தியாவில் அறிமுகம் செய்ய இருக்கின்றது. இது, நான்காவது எலெக்ட்ரிக் ஸ்கூட்டர் மாடல் ஆகும். ஏற்கனவே நிறுவனம் ஃபாஸ்ட் எஃப்4, ஃப்ரீடம் மற்றும் கிளாசிக் ஐக்யூ, எனும் எலெக்ட்ரிக் ஸ்கூட்டரை விற்பனைக்கு வழங்கிக் கொண்டிருக்கின்றது. இதன் வரிசையில், faast-f3-electric-scooter ஒரு லட்சம் ரூபாயில் விற்பனைக்கு வர உள்ளது. இந்த ஸ்கூட்டரில் மூன்று விதமான ரைடிங் மோட்கள் இதில் வழங்கப்பட இருக்கின்றன.
Okaya Faast F3 எலெக்ட்ரிக் ஸ்கூட்டரின் சிறப்பு அம்சங்கள் என்ன?
இதைத்தவிர, எல்இடி ஹெட்லைட் லைட் மற்றும் டெயில் லைட்டுகள் உள்ளன. 1,200 வாட் மோட்டார் பயன்படுத்தப்பட்டு உள்ளது. இந்த மோட்டார் அதிகபட்சமாக 2,500 வாட் திறனை வெளியேற்றக் கூடியது. முக்கியமாக இந்த பேட்டரி பேக்கை ஒரு முறை முழுமையாக சார்ஜ் செய்தால் 130 கிமீ தூரம் வரை பயணிக்க முடியும். அதுமட்டுமின்றி, 160 கிமீட்டராக உயர்த்திக் கொள்ளும் வசதியும் ஃபாஸ்ட் எஃப்3 இல் வழங்கப்பட உள்ளதாம். டாப் ஸ்பீடு மணிக்கு 60 கிமீ முதல் 70 கிமீ ஆகும். மேலும், 12 அங்குல ட்யூப்லெஸ் டயரே இருசக்கர வாகனத்தில் பயன்படுத்தப்பட்டு இருக்கின்றது.