கடைசி வாய்ப்பு! புகழ்பெற்ற மெக்லாரன் 750S சூப்பர் கார் தயாரிப்பு நிறுத்தம்; கார் பிரியர்கள் அதிர்ச்சி

எழுதியவர் Sekar Chinnappan

Oct 12, 2026

01:08 pm

செய்தி முன்னோட்டம்

பிரபல ஆடம்பர சூப்பர் கார் தயாரிப்பான மெக்லாரன், தனது புகழ்பெற்ற 750S மாடலின் தயாரிப்பை 2027 ஆம் ஆண்டுடன் அதிகாரப்பூர்வமாக நிறைவு செய்வதாக அறிவித்துள்ளது. கடந்த 2017-ல் அறிமுகப்படுத்தப்பட்ட 720S மாடலின் தொடர்ச்சியாக வந்த இந்த கார், கார் பிரியர்களிடையே பெரும் வரவேற்பைப் பெற்றது. உற்பத்தி முடிவடைவதற்கு முன்பாக, இந்த காரை வாங்க விரும்புபவர்கள் தங்களது விருப்பத்திற்கு ஏற்ப பிரத்யேகமாக முன்பதிவு செய்ய இறுதி வாய்ப்பு வழங்கப்பட்டுள்ளது. கூடுதல் விபரங்கள் இங்கே:-

செயல்திறன்

சக்திவாய்ந்த எஞ்சின் மற்றும் மேம்படுத்தப்பட்ட செயல்திறன்

முந்தைய 720S மாடலுடன் ஒப்பிடும்போது, மெக்லாரன் 750S காரில் சுமார் 30 சதவீதத்திற்கும் அதிகமான பாகங்கள் புதிதாக மேம்படுத்தப்பட்டுள்ளன.

கார்பன் ஃபைபர் கட்டமைப்பைக் கொண்ட இந்த காரில் 4.0 லிட்டர் ட்வின்-டர்போ V8 எஞ்சின் பொருத்தப்பட்டுள்ளது.

இது 740hp ஆற்றலையும் 800Nm டார்க் திறனையும் வெளிப்படுத்தும்.

மேலும், இந்த காரின் வெறும் எடை 1,277 கிலோ மட்டுமே என்பதால், அதிவேகத்தில் சீறிப்பாயும் வகையில் இதன் கியர் மற்றும் சஸ்பென்ஷன் அமைப்புகள் மாற்றியமைக்கப்பட்டுள்ளன.

அரிய மாடல்கள்

MSO பிரத்யேக வேரியண்ட்கள் மற்றும் அரிய மாடல்கள்

வாடிக்கையாளர்கள் தங்களது விருப்பத்திற்கு ஏற்பக் காரை பிரத்யேகமாக வடிவமைத்துக் கொள்ள மெக்லாரன் ஸ்பெஷல் ஆபரேஷன்ஸ் (MSO) மூலம் வழிவகை செய்யப்பட்டுள்ளது.

இதன் மூலம் 3-7-59 தீம் மற்றும் ப்ராஜெக்ட் விவா போன்ற சிறப்புப் பதிப்புகள் உருவாக்கப்பட்டுள்ளன.

மேலும், இந்த 750S மாடலின் அடிப்படையைக் கொண்டு உருவாக்கப்பட்டு டிராக் பந்தயத்திற்குப் பயன்படும் 765LT மற்றும் உலகளவில் வெறும் 200 யூனிட்கள் மட்டுமே தயாரிக்கப்பட்ட 788HS போன்ற வரையறுக்கப்பட்ட பதிப்புகளும் கார் பிரியர்களிடையே பெரும் வரவேற்பைப் பெற்றன.

அறிக்கை

மெக்லாரன் நிறுவனத்தின் அதிகாரப்பூர்வ அறிக்கை

இது குறித்து மெக்லாரன் ஆட்டோமோடிவ் நிறுவனத்தின் தலைமை வணிக அதிகாரி ஹென்ரிக் வில்ஹெல்ம்ஸ்மேயர் பேசுகையில், "மெக்லாரன் சூப்பர் காரை வரையறுக்கும் அனைத்து அம்சங்களும் 750S மாடலில் நிறைந்துள்ளன.

சிறந்த செயல்திறன், வான்வழி ஏரோடைனமிக்ஸ் தொழில்நுட்பம் மற்றும் தனித்துவமான வடிவமைப்பு ஆகியவற்றுடன் இந்த கார் ஒரு புதிய சகாப்தத்தைப் படைத்துள்ளது.

கார் வரலாற்றில் இது எப்போதும் ஒரு நீங்காத முத்திரையை விட்டுச் செல்லும்." என தெரிவித்துள்ளார்.