இந்தியாவின் முதல் 7 இருக்கை எலக்ட்ரிக் எஸ்யூவியை அறிமுகம் செய்தது மஹிந்திரா; விலை ₹19.95 லட்சம்
செய்தி முன்னோட்டம்
இந்தியாவின் முதல் பெருவாரியான மக்களுக்கான 7 இருக்கைகள் கொண்ட எலக்ட்ரிக் எஸ்யூவியான மஹிந்திரா XEV 9S அறிமுகப்படுத்தப்பட்டுள்ளது. இதன் ஆரம்ப விலை ₹19.95 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது. இது ஒரு குடும்பப் பயன்பாட்டிற்கு ஏற்ற எலக்ட்ரிக் காராகக் கருதப்படுகிறது. வாகனத்தின் கூடுதல் விபரங்கள் இங்கே:
தொழில்நுட்பம்
தொழில்நுட்பம் மற்றும் வடிவமைப்பு
மஹிந்திராவின் பிரத்யேகமான INGLO EV தளத்தில் உருவாக்கப்பட்டுள்ள XEV 9S, கூர்மையான இணைக்கப்பட்ட DRL-கள் மற்றும் முக்கோண வடிவிலான LED ஹெட்லேம்ப்களுடன் நவீனமான EV வடிவமைப்பைக் கொண்டுள்ளது. இதன் நீளமான 2,762 மிமீ வீல்பேஸ், ஏழு இருக்கைகளுக்கான இடவசதியை உறுதி செய்கிறது. மேலும், இது 219 மிமீ கிரவுண்ட் கிளியரன்ஸ் மற்றும் 527 லிட்டர் பூட் ஸ்பேஸ் உடன் வருகிறது. முன்பகுதியில் 150 லிட்டர் கொள்ளளவு கொண்ட 'ஃபிரங்க்' இடமும் உள்ளது. உட்புறத்தில், பயணிகளுக்குத் தனி டிஜிட்டல் திரை உட்பட முழு அகலத்தைக் கொண்ட மூன்று திரை அமைப்புடன் தொழில்நுட்பத்தில் முன்னணியில் உள்ளது. பின்புற இருக்கை பயணிகளுக்குச் சாய்மான வசதி, பனோரமிக் சன்ரூஃப் மற்றும் பிரீமியம் ஆடியோ அமைப்பு போன்ற வசதிகளும் வழங்கப்பட்டுள்ளன.
செயல்திறன்
பேட்டரி மற்றும் செயல்திறன்
மஹிந்திரா இந்த மாடலில் 59kWh, 70kWh மற்றும் 79kWh ஆகிய மூன்று பேட்டரித் தேர்வுகளை வழங்குகிறது. அனைத்துப் வேரியண்ட்களும் 175kW வரை ஃபாஸ்ட் சார்ஜிங்கிற்கு ஏற்ற வகையில் வடிவமைக்கப்பட்டுள்ளன. சக்திவாய்ந்த பதிப்புகள், 7 வினாடிகளில் 0 முதல் 100 கிமீ வேகத்தை எட்டும் திறன் கொண்டது. இந்த எலெக்ட்ரிக் வாகன எஸ்யூவி டிசம்பர் 5, 2025 முதல் டெஸ்ட் டிரைவிற்காகக் கிடைக்கும். முன்பதிவுகள் ஜனவரி 14, 2026 அன்றும், விநியோகம் ஜனவரி 23, 2026 அன்றும் தொடங்கும் என அறிவிக்கப்பட்டுள்ளது. இந்த விலை வரம்பில் வேறு எந்த நேரடிப் போட்டியும் இல்லாமல், XEV 9S சந்தையில் தனித்துவமான இடத்தைப் பிடித்துள்ளது.