2 லட்சம் வரை கார்களின் விலையை குறைத்த ஜீப் நிறுவனம்!
ஜீப் நிறுவனம் கார் மாடல்களுக்கு அதிரடி சலுகையை அறிவித்துள்ளது. இந்திய ஜீப் நிறுவனமானது காம்பஸ் மற்றும் மெரிடியன் SUV மாடல்களின் விலையை மாற்றியமைத்து இருக்கிறது. இதனால் இரண்டு கார்களின் பேஸ் வேரியண்ட்களின் விலை குறைக்கப்பட்டுள்ளது. மற்ற வேரியண்ட்களின் 35 ஆயிரம் வரை உயர்த்தப்பட்டுள்ளது. விலை குறைப்பால் ஜீப் காம்பஸ் ஸ்போர்ட் மாடல்கள் தற்போது 20 லட்சத்து 99 ஆயிரம் எக்ஸ் ஷோரூம் விலை தொடங்குகிறது. மேலும், விலை அப்டேட்களுடன் புதிய கார்கள் RDE விதிகளுக்கு ஏற்ப அப்டேட் செய்யப்பட்டு இருக்கிறது. முந்தைய மாடல்களை ஒப்பிட்டால் 1 லட்சம் ரூபாய் குறைவு. அனைத்து வேரியண்ட்களும் எக்ஸ் ஷோரூம் விலை அடிப்படையில் குறைக்கப்பட்டுள்ளது.
இந்திய ஜீப் நிறுவனம் அதன் இரண்டு வேரியண்ட் கார்களின் விலை குறைத்துள்ளது
தொடர்ந்து, ஜீப் மெரிடியன் மாடலில், கியர்பாக்ஸ் மாடலுக்கு ரூ. 2 லட்சத்து 35 ஆயிரம் வரை குறைக்கப்பட்டு உள்ளது. அதுவே இதன் டாப் எண்ட் மாடல் விலை ஆனது ரூ. 37 லட்சத்து 50 ஆயிரம் ஆகும். இதில், காம்பஸ் மற்றும் மெரிடியன் அதே 2.0 லிட்டர் டீசல் என்ஜின் 170hp மற்றும் 350Nm டார்க்கை உருவாக்கும். இரண்டுமே 6-ஸ்பீடு மேனுவல் அல்லது 9-ஸ்பீடு டார்க் கன்வெர்ட்டர் ஆட்டோமேட்டிக் கியர்பாக்ஸில் ஒன்றைத் தேர்வுசெய்யும் விருப்பத்தைப் பெறுகின்றன. தொடர்ந்து, இரண்டில், காம்பஸ் மட்டுமே பெட்ரோல் என்ஜினைப் பெறுகிறது.1.4 லிட்டர் டர்போ பெட்ரோல் 163hp மற்றும் 250Nm டார்க்கை உற்பத்தி செய்கிறது.
இந்த காலவரிசையைப் பகிரவும்