அதிக தொடுதிரைகள் கொண்ட கார்களுக்கான பாதுகாப்பு மதிப்பீடுகளை குறைக்க யூரோ-என்சிஏபி முடிவு
2026ஆம் ஆண்டளவில், யூரோ NCAP அல்லது ஐரோப்பிய புதிய கார் மதிப்பீட்டுத் திட்டம், அதிகப்படியான தொடுதிரை பயன்படுத்தும் கார்களுக்கான மதிப்பெண்களைக் குறைக்கும் புதிய வழிகாட்டுதல்களைச் செயல்படுத்த திட்டமிட்டுள்ளது. கார் உற்பத்தியாளர்களை, அத்தியாவசிய செயல்பாடுகளுக்கு பிஸிக்கல் கட்டுப்பாடுகளைப் பயன்படுத்தத் தூண்டுவதன் மூலம் பாதுகாப்பான ஓட்டுதலை ஊக்குவிப்பதே குறிக்கோள். Euro NCAP இன் மத்தியூ அவெரி இது பற்றி பேசும்போது, தொடுதிரைகளைப் பற்றி கவலை தெரிவித்தார். "ஏனெனில் அவை ஓட்டுநர்களின் கவனத்தை சாலையை விட்டு சிதறடிக்கின்றன. இதனால் விபத்துகளின் அபாயம் அதிகரிக்கிறது" என்றார். தற்போது வெளியாகும் கார் வகைகளில், தொடுதிரைகள் பிரபலமாக உள்ளன. ஏனெனில் அவை செலவு குறைந்தவை, நவீன தோற்றம் கொண்டவை மற்றும் காரின் கேபினுக்கு டிஜிட்டல் இடைமுகத்தைக் கொண்டு வருகின்றன.
யூரோ NCAP இன் புதிய வழிகாட்டுதல்கள்
Euro NCAP இன் புதிய வழிகாட்டுதல்கள், கடுமையான விபத்துகளுக்கு வழிவகுக்கும், ஹார்ன், டர்ன் சிக்னல்கள், SOS, ஹெட்லைட் கட்டுப்பாடுகள், வைப்பர் கட்டுப்பாடுகள் மற்றும் அபாய ஒளி கட்டுப்பாடுகள் போன்ற முக்கியமான செயல்பாடுகளை தொடுதிரைகளாக ஒருங்கிணைப்பது போன்ற காரணிகளை ஆராயும். Euro NCAP ஆனது அதன் வழிகாட்டுதல்களை சட்டப்பூர்வமாக செயல்படுத்த முடியாவிட்டாலும், பல கார் உற்பத்தியாளர்கள் தங்கள் வாகனங்களை விளம்பரப்படுத்த, ஒரு மார்க்கெட்டிங் கருவியாக அதன் பாதுகாப்பு மதிப்பீடுகளைப் பயன்படுத்துகின்றனர். குறைந்த பாதுகாப்பு மதிப்பீடு காரின் சந்தைத்தன்மையை பெரிதும் பாதிக்கலாம். புதிய Euro NCAP வழிகாட்டுதல்கள் இன்னும் இறுதி செய்யப்படவில்லை, மதிப்பீட்டு நடைமுறைகள் இன்னும் விவாதத்தில் உள்ளன. இருப்பினும், 2026க்குள் இதனை செயல்படுத்த காலக்கெடு அமைக்கப்பட்டுள்ளது.
