அமெரிக்க ஆளில்லா விமானத்துடன் நேருக்கு நேர் மோதிய ரஷ்ய ஜெட் விமானம்
செய்தி முன்னோட்டம்
அமெரிக்க ஆளில்லா விமானத்துடன் ரஷ்ய போர் விமானம் மோதியதால், ஆளில்லா அமெரிக்க விமானம் கடலில் விழுந்து நொறுங்கியதாக அமெரிக்க ராணுவம் தெரிவித்துள்ளது.
உக்ரைன் போர் தொடர்பாக ரஷ்யாவிற்கும் அமெரிக்காவிற்கும் இடையே நேரடி மோதல் ஏற்படும் அபாயத்தை இந்த சம்பவம் எடுத்துக்காட்டுகிறது.
அமெரிக்க ட்ரோன் சர்வதேச வான்வெளியில் வழக்கமான பணியில் ஈடுபட்டிருந்தபோது, இரண்டு ரஷ்ய ஜெட் விமானங்கள் அதை இடைமறிக்க முயன்றதாக அமெரிக்கா தெரிவித்துள்ளது.
இதை மறுத்த ரஷ்யா, ட்ரோன் பணியில் ஈடுபட்டிருந்தபோது விபத்துக்குள்ளானதாக கூறி இருக்கிறது.
MQ-9 ரீப்பர் என்ற ட்ரோன், அதன் டிரான்ஸ்பாண்டர்கள் அணைந்த நிலையில் பறந்து கொண்டிருந்ததாகவும் ரஷ்ய பாதுகாப்பு அமைச்சகம் தெரிவித்துள்ளது. டிரான்ஸ்பாண்டர்கள் என்பது விமானத்தை கண்காணிக்க உதவும் தகவல் தொடர்பு சாதனமாகும்.
ரஷ்யா
ரஷ்ய தூதர் அனடோலி அன்டோனோவுடன் பேச்சு வார்த்தை
ரீப்பர் ட்ரோன்கள், 20 மீ(66 அடி) நீள இறக்கைகள் கொண்ட கண்காணிப்பு விமானங்களாகும்.
இந்த சம்பவம், செவ்வாய்கிழமை மத்திய ஐரோப்பிய நேரப்படி (06:03 GMT) சுமார் 07:03 மணிக்கு நடந்ததாக அமெரிக்க ராணுவம் தெரிவித்துள்ளது.
"MQ-9 விமானம், சர்வதேச வான்வெளியில் வழக்கமான பணிகளை செய்துகொண்டிருந்தபோது, அது ரஷ்ய விமானத்தால் இடைமறித்து தாக்கப்பட்டது. இதன் விளைவாக MQ-9 விபத்துக்குள்ளானது." என்று அமெரிக்கா ஒரு அறிக்கையை வெளியிட்டுள்ளது.
இந்த சம்பவத்திற்கு எதிராக நடவடிக்கை எடுத்த அமெரிக்கா, வாஷிங்டனில் உள்ள ரஷ்ய தூதர் அனடோலி அன்டோனோவை வரவழைத்து பேச்சுவார்த்தை நடத்தியது.