அமெரிக்க குடியுரிமைக்காக காத்திருக்கும் இந்தியர்களுக்கு புதிய அறிவிப்பு வெளியானது
செய்தி முன்னோட்டம்
அமெரிக்காவில் வசிக்கும் பல்லாயிரக்கணக்கான இந்தியர்கள் பயன்பெறும் வகையில், கிரீன் கார்டுகளுக்காகக் காத்திருப்பவர்கள் மற்றும் புலம்பெயர்ந்தோர் அல்லாத சில பிரிவுகளுக்கு வேலைவாய்ப்பு அட்டைகளை ஐந்தாண்டுகளுக்கு வழங்குவதாக அமெரிக்கா தெரிவித்துள்ளது.
அமெரிக்க குடியுரிமை மற்றும் குடிவரவு சேவைகள் (USCIS) வேலைவாய்ப்பு அங்கீகார ஆவணங்களின் (EAD) அதிகபட்ச செல்லுபடியாகும் காலத்தை 5 ஆண்டுகளாக உயர்த்துவதாகக் கூறியுள்ளது.
மேலும் சில குறிப்பிட்ட குடிமக்கள் அல்லாதவர்களுக்கு(Non-Citizens) வேலைவாய்ப்பு அங்கீகாரத்திற்கு விண்ணப்பிக்க வேண்டும் எனவும் தெரிவித்துள்ளது.
இந்த உத்தரவு ஐஎன்ஏ 245 இன் கீழ், அடைக்கலம் கோரும் விண்ணப்பதாரர்கள், நாடு கடத்தலை தடுத்தல் அல்லது நீக்குதலை ரத்து செய்தல் உள்ளிட்ட விண்ணப்பதாரர்களுக்கும் பொருந்தும் என அந்த அறிவிப்பில் தெரிவிக்கப்பட்டுள்ளது.
2nd card
18 லட்சம் கிரீன் கார்டு விண்ணப்பங்கள் தேங்கியுள்ளது
வேலைவாய்ப்பட்டைகளின் செல்லுபடி காலத்தை 5 ஆண்டுகளுக்கு நீட்டித்துள்ளதன் மூலம், புதிய படிவங்கள் I-765 எண்ணிக்கை கணிசமாக குறைக்கப்படும்.
இருப்பினும், குடிமகன் அல்லாதவர் வேலைவாய்ப்பு அங்கீகாரத்தை தக்க வைக்கிறாரா என்பது அவர்களின் அடிப்படை நிலை, சூழ்நிலைகள் மற்றும் அங்கீகார ஆவணங்கள் தாக்கல் செய்யும் வகையைச் சார்ந்தது.
ஒரு ஆய்வின்படி 10.5 லட்சம் இந்தியர்கள், அமெரிக்காவில் வேலை வாய்ப்பு சார்ந்த குடியுரிமைக்காக விண்ணப்பித்திருப்பதும், அவர்களின் சுமார் 4 லட்சம் பேர் குடியுரிமையை பெரும் முன் இறக்க வாய்ப்புள்ளதும் தெரியவந்துள்ளது.
கிரீன் கார்ட் என்பது நிரந்தர குடியுரிமை அட்டை. அமெரிக்காவில் ஒருவரால் நிரந்தரமாக தங்க முடியும்.
கிரீன் கார்ட் கோரி அமெரிக்காவில் 18 லட்சம் விண்ணப்பங்கள் தேங்கியுள்ளது. அதில் 11 லட்சம் விண்ணப்பங்கள் இந்தியர்களுடையது என்பது குறிப்பிடத்தக்கது.