அமெரிக்காவின் பல்தேசியக் கூட்டணியில் இந்தியா இணைய வாய்ப்பில்லை!
செய்தி முன்னோட்டம்
ஹார்முஸ் ஜலசந்தியில் (Strait of Hormuz) நிலவும் பதற்றத்தைத் தணிக்கவும், கப்பல் போக்குவரத்தைப் பாதுகாக்கவும் அமெரிக்கா தலைமையிலான 'பல்தேசியக் கூட்டணியில்' இந்தியா இணைவதற்கு வாய்ப்பில்லை என்று தகவல்கள் வெளியாகியுள்ளன. இந்தியா ஏற்கனவே 'ஆபரேஷன் சங்கல்ப்' மூலம் தனது போர்க்கப்பல்களை இப்பகுதியில் நிலைநிறுத்தி, தனது சொந்தக் கொடி ஏந்திய கப்பல்களுக்குப் பாதுகாப்பு அளித்து வருகிறது. எனவே, வேறொரு நாட்டின் தலைமையிலான ராணுவக் கூட்டணியில் இணைந்து செயல்படுவதை விட, சுயமாகச் செயல்படுவதையே இந்தியா விரும்புகிறது.
இந்தியா
ஈரானுடனான சுமுக உறவு
அமெரிக்கா மற்றும் இஸ்ரேல் உடனான மோதலில், ஈரான் "இந்தியா எங்களது நண்பன்" என்று பகிரங்கமாக அறிவித்துள்ளது. சமீபத்தில் இந்திய எல்பிஜி டேங்கர்களுக்கு ஈரான் சிறப்பு விலக்கு அளித்து, பாதுகாப்பாக ஜலசந்தியைக் கடக்க அனுமதித்தது. இந்தக் கூட்டணியில் இணைவது ஈரானுடனான இந்தியாவின் நீண்டகால உறவைப் பாதிக்கக்கூடும் என்று இந்தியா கருதுகிறது. இந்தியாவில் தற்போது நிலவும் சமையல் எரிவாயு தட்டுப்பாட்டைப் போக்க, வளைகுடா நாடுகளிலிருந்து தடையின்றி எரிபொருள் வருவது மிக முக்கியமானது. எந்தவொரு ராணுவக் கூட்டணியிலும் சேராமல், தூதரக ரீதியாகப் பேச்சுவார்த்தை நடத்தி எரிசக்தி விநியோகத்தை உறுதி செய்வதே இந்தியாவின் தற்போதைய உத்தியாக உள்ளது. அமெரிக்க அதிபர் டொனால்ட் ட்ரம்ப், ஹார்முஸ் ஜலசந்தியைப் பாதுகாக்க மற்ற நாடுகளும் முன்வர வேண்டும் என்று கோரிக்கை விடுத்துள்ளார்.