இந்திய டென்னிஸ் சாம்பியன் சானியா மிர்சா ஓய்வு பெற போவதாக அறிவிப்பு
செய்தி முன்னோட்டம்
இந்தியாவின் டென்னிஸ் சாம்பியனாக கருதப்படும் சானியா மிர்சா, தான் விளையாட்டிலிருந்து ஓய்வு பெற போவதாக அறிவித்துள்ளார்.
டபிள்யு.டி.ஏ (Women 's Tennis Association)க்கு அவர் அளித்த பேட்டியில் இதை தெரிவித்துள்ளார்.
டபிள்யு.டி.ஏ நடத்தும், 'துபாய் டூட்டி பிரீ டென்னிஸ் சாம்பியன்ஷிப் போட்டி', அடுத்த மாதம் துபாயில் நடைபெறவிருக்கிறது.
அதில் கலந்து கொள்ள போகும் சானியா, அதுவே தனது கடைசி போட்டி என்றும், அதன் பின்னர் விளையாட்டிலிருந்து ஓய்வு பெற போவதாக கூறினார்.
சென்ற ஆண்டே, தான் ஓய்வு பெற போவதாக சானியா அறிவித்திருந்தார்.
எனினும், இப்போது அறிவித்த முடிவே இறுதியானது என வலியுறித்தி உள்ளார்.
மேலும் படிக்க
டென்னிஸ் சாம்பியன் சானியா மிர்சா
சானியா மிர்சா, டென்னிஸ் விளையாட்டில் பல சாதனைகள் புரிந்துள்ளார். பெண்கள் இரட்டையர் பிரிவில் 3 கிராண்ட்ஸ்லாம் பட்டங்கள், கலப்பு இரட்டையர் பிரிவில் 3 கிராண்ட்ஸ்லாம் பட்டங்கள் வென்றிருக்கிறார்.
இதோடு விம்பிள்டன், அமெரிக்க ஓபன் மற்றும் ஆஸ்திரேலிய ஓபன் பட்டங்களும் வென்றுள்ளார்.
வரும் ஜனவரி 16ம் தேதி, மெல்போர்னில் நடைபெறவுள்ள, ஆஸ்திரேலியா ஓபன் டென்னிஸ் போட்டியில் கலந்து கொள்ளும் சானியா, உலகளவில் இரட்டையர் பிரிவு தர வரிசையில், 24-வது இடத்தில் உள்ளார்.
பாகிஸ்தான் கிரிக்கெட் வீரரான ஷோயிப் மாலிக் என்பவரை திருமணம் செய்து கொண்ட மிர்சா, தற்போது துபாயில் வசித்து வருகிறார்.