ஒருநாள் கிரிக்கெட்டில் முதல்முறையாக கோல்டன் டக் ஆனார் கேப்டன் ஷுப்மன் கில்
செய்தி முன்னோட்டம்
இந்திய அணியின் கேப்டனும் உலகின் முதன்மை நிலை ஒருநாள் பேட்டருமான ஷுப்மன் கில், தனது சர்வதேச ஒருநாள் கிரிக்கெட் வரலாற்றிலேயே முதல்முறையாக கோல்டன் டக் (முதல் பந்திலேயே பூஜ்ஜியத்தில் ஆட்டமிழப்பது) முறையில் ஆட்டமிழந்து தேவையில்லாத சாதனையைப் பதிவு செய்துள்ளார். வெல்லிங்டனில் நடைபெற்று வரும் நியூசிலாந்து அணிக்கு எதிரான 2-வது ஒருநாள் போட்டியில், நியூசிலாந்து நிர்ணயித்த 135 ரன்கள் என்ற எளிய இலக்கை நோக்கி களமிறங்கிய இந்திய அணிக்கு தொடக்கத்திலேயே இது பெரும் அதிர்ச்சியாக அமைந்தது.
முதல் பந்து
ஷுப்மன் கில் விக்கெட்டை பறித்த ஜேக்கப் டஃபி
இந்திய இன்னிங்ஸின் தொடக்க ஓவரில் ஜேக்கப் டஃபி வீசிய நகரும் பந்தை மென்மையான கைகளுடன் எதிர்கொள்ள முயன்ற ஷுப்மன் கில், பந்து மட்டையின் விளிம்பில் பட்டு இரண்டாவது ஸ்லிப்பில் நின்ற ஹென்றி நிக்கோல்ஸிடம் கேட்ச் ஆனார்.
தனது 71 இன்னிங்ஸ்கள் கொண்ட சர்வதேச ஒருநாள் வாழ்க்கையில் கில் டக் அவுட்டாவது இது 2-வது முறை மட்டுமே என்றாலும், முதல் பந்திலேயே ஆட்டமிழப்பது இதுவே முதல் முறையாகும்.
வெளிநாட்டு ஆடுகளங்களில் பந்து அதிகமாக ஸ்விங் மற்றும் பவுன்ஸ் ஆகும் சூழலை எதிர்கொள்வதில் கில் இன்னும் முன்னேற்றம் காண வேண்டிய அவசியத்தை இது உணர்த்தியுள்ளது.
பந்துவீச்சு
நியூசிலாந்து 134 ரன்களுக்கு ஆல் அவுட்
முன்னதாக, டாஸ் வென்று பந்துவீச்சைத் தேர்வு செய்த இந்திய அணி, அபாரமாகப் பந்துவீசி நியூசிலாந்தை 134 ரன்களுக்குச் சுருட்டியது.
குர்னூர் பிரார் தலைமையிலான இளம் வேகப்பந்து வீச்சாளர்களின் ஆதிக்கத்தால் நியூசிலாந்து அணி 53 ரன்களுக்கு 5 விக்கெட்டுகளை இழந்து திணறியது.
டேரில் மிட்செல் நிதானமாக விளையாடி 55 ரன்களும், மிட்செல் சான்ட்னர் 31 ரன்களும் எடுத்ததால் மட்டுமே அந்த அணி நூறு ரன்களைக் கடக்க முடிந்தது.
இந்திய வேகப்பந்து வீச்சாளர்கள் 8 விக்கெட்டுகளையும், அக்சர் படேல் 2 விக்கெட்டுகளையும் சாய்த்தனர்.