ஒரே போட்டியில் நான்கு சாதனைகள் : "வேற லெவல்" சம்பவம் செய்த ருதுராஜ் கெய்க்வாட்
செய்தி முன்னோட்டம்
ஐபிஎல் 2023 சீசனின் முதல் ஆட்டத்தில் சென்னை சூப்பர் கிங்ஸ் (சிஎஸ்கே) அணியின் தொடக்க ஆட்டக்காரர் ருதுராஜ் கெய்க்வாட் 50 பந்துகளில் 92 ரன்கள் எடுத்தார்.
அகமதாபாத்தில் நடந்த இந்த போட்டியில் குஜராத் டைட்டன்ஸ் அணிக்கு எதிராக கெய்க்வாட் 92 ரன்கள் எடுத்ததன் மூலம். சிஎஸ்கே 20 ஓவரில் 7 விக்கெட்டுக்கு 178 ரன்கள் எடுத்ததில் பெரும்பங்கு வகித்தார்.
இதன் மூலம் கெய்க்வாட் தற்போது ஐபிஎல் வரலாற்றில் தொடக்க ஆட்டக்காரர்களில் மூன்றாவது அதிகபட்ச ஸ்கோரை பதிவு செய்துள்ளார்.
ஐபிஎல் போட்டியில் சிஎஸ்கேக்காக ஒரு இன்னிங்ஸில் அதிக சிக்ஸர்கள் அடித்ததன் அடிப்படையில் உத்தப்பா, மெக்கல்லம் மற்றும் கான்வே ஆகியோரை சமன் செய்துள்ளார். இதில் முரளி விஜய் 11 சிக்ஸர்களுடன் முதலிடத்தில் உள்ளார்.
ருதுராஜ் கெய்க்வாட்
ஐபிஎல்லில் தொடக்க ஆட்டக்காரர்கள் அதிகபட்ச ஸ்கோர்கள்
2008ல் ஆர்சிபிக்கு எதிராக மெக்கல்லம் 158* மற்றும் 2015ல் கேகேஆர் அணிக்கு எதிராக ரோஹித் சர்மா 98* ரன்கள் எடுத்து தொடக்க ஆட்டக்காரர்களில் அதிக ரன் குவித்த முதல் 2 வீரர்களாக உள்ளனர்.
இவர்களுக்கு அடுத்து 92ரன்களுடன் கெய்க்வாட் மூன்றாவது இடத்தில் உள்ளார்.
மேலும் கெய்க்வாட் தற்போது குஜராத் டைட்டன்சுக்கு எதிராக அதிகபட்ச தனிநபர் ஸ்கோரைப் பெற்றுள்ளார். இதற்கு முன்பு ஐபிஎல் 2022 குவாலிஃபையரில் ஜோஸ் பட்லர் 89 ரன்கள் எடுத்ததே அதிகபட்ச ஸ்கோராக இருந்தது குறிப்பிடத்தக்கது.
மேலும் 37 இன்னிங்ஸ் முடிவில் 1,299 ரன்கள் எடுத்ததன் மூலம், சச்சின், கோலி, ரோஹித் சர்மா போன்றவர்களை பின்னுக்குத் தள்ளி 37 இன்னிங்ஸ் முடிவில் அதிக ரன் குவித்த 4வது வீரராக உருவெடுத்துள்ளார்.