"ரிஷப் பந்த் ரீயூனியன்" : இந்திய கிரிக்கெட் வீரர்களுடன் ஒரு ஜாலி சந்திப்பு
பெங்களூரிவில் உள்ள தேசிய கிரிக்கெட் அகாடமியில் பயிற்சியில் உள்ள ரிஷப் பந்தை இந்திய கிரிக்கெட் வீரர்கள் சந்தித்துள்ளனர். கடந்த டிசம்பர் இறுதியில் நடந்த ஒரு கார் விபத்தில் சிக்கி படுகாயமடைந்த ரிஷப் பந்த் மருத்துவ சிகிச்சை முடிந்து தற்போது தேசிய கிரிக்கெட் அகாடெமியில் பிசிசிஐ மருத்துவ குழு கண்காணிப்பில் உடற்தகுதியை மேம்படுத்தி வருகிறார். செப்டம்பரில் நடக்க உள்ள ஆசிய கோப்பைக்கு முன் முழு உடற்தகுதியை பெறுவார் என எதிர்பார்க்கப்படும் நிலையில், இந்திய கிரிக்கெட் அணி வீரர்களான கேஎல் ராகுல், யுஸ்வேந்திர சாஹல், முகமது சிராஜ் மற்றும் ஷர்துல் தாக்கூர் ஆகியோர் ரிஷப் பந்தை சந்தித்து உரையாடியுள்ளனர். இந்த சந்திப்பு தொடர்பான புகைப்படங்களை ரிஷப் பந்த் வெளியிட, அது தற்போது ரசிகர்களிடையே வைரலாகி வருகிறது.
