பஞ்சாப் கிங்ஸ் vs கொல்கத்தா நைட் ரைடர்ஸ் : யாருக்கு வெற்றி வாய்ப்பு?
செய்தி முன்னோட்டம்
2023 இந்தியன் பிரீமியர் லீக் (ஐபிஎல்) 2வது போட்டியில் பஞ்சாப் கிங்ஸ் (பிபிகேஎஸ்) மற்றும் கொல்கத்தா நைட் ரைடர்ஸ் (கேகேஆர்) அணிகள் மோதுகின்றன.
மொஹாலியின் பிசிஏ மைதானத்தில் சனிக்கிழமை (ஏப்ரல் 1) போட்டி நடைபெறவுள்ளது.
பிபிகேஎஸ் அணியின் நட்சத்திர வீரர்களான லியாம் லிவிங்ஸ்டோன் மற்றும் ககிசோ ரபாடா இந்த போட்டியில் பங்கேற்காதது அணிக்கு பின்னடைவாக கருதப்படுகிறது.
காயமடைந்த ஷ்ரேயாஸ் ஐயர் இல்லாத நிலையில் கேகேஆரை நிதீஷ் ராணா வழிநடத்த உள்ளார். மேலும் பிபிகேஎஸ் அணியை ஷிகர் தவான் வழிநடத்த உள்ளார்.
இரு அணிகளும் இதுவரை 30 போட்டிகளில் நேருக்கு நேர் மோதியுள்ள நிலையில், கேகேஆர் 20 போட்டிகளில் வென்று ஆதிக்கம் செலுத்துகிறது. பிபிகேஎஸ் 10 போட்டிகளில் மட்டுமே வென்றுள்ளது.
ஐபிஎல் 2023
எதிர்பார்க்கப்படும் பிளேயிங் 11
பிபிகேஎஸ் மற்றும் கேகேஆர் ஆகிய இரு அணிகளும் புது கேப்டன்களின் கீழ் களமிறங்க உள்ளதால், ரசிகர்களிடையே எதிர்பார்ப்பு அதிகரித்துள்ளது.
எதிர்பார்க்கப்படும் விளையாடும் 11 வீரர்களின் பட்டியல் பின்வருமாறு:-
பிபிகேஎஸ் அணி : ஷிகர் தவான்(கேப்டன்), ஷாருக்கான், பானுக ராஜபக்சே, சிக்கந்தர் ராசா, சாம் கர்ரன், ரிஷி தவான், மேத்யூ ஷார்ட், ஜாம் ஷர்மா, ஹர்ப்ரீத் ப்ரார், ராகுல் சாஹர், அர்ஷ்தீப் சிங்
கேகேஆர் அணி : ரிங்கு சிங், நிதின் ராணா(கேப்டன்), வெங்கடேஷ் ஐயர், ஆண்ட்ரே ரஸ்ஸல், சுனில் நரைன், நாராயண் ஜெகதீசன், ரஹ்மானுல்லா குர்பாஸ், ஷர்துல் தாக்கூர், எல்எச் பெர்குசன், வருண் சக்ரவர்த்தி, உமேஷ் யாதவ்