142 ஆண்டுகால வரலாற்றில் முதல்முறை! லார்ட்ஸ் மைதானத்தில் ஆலி ராபின்சன் மெகா சாதனை
செய்தி முன்னோட்டம்
பாகிஸ்தான் அணிக்கு எதிராக லார்ட்ஸ் மைதானத்தில் நடைபெற்று வரும் 2-வது டெஸ்ட் போட்டியின் 2வது நாளில், இங்கிலாந்து கிரிக்கெட் அணியின் வேகப்பந்து வீச்சாளர் ஆலி ராபின்சன் 142 ஆண்டுகால வரலாற்று சாதனையைப் படைத்துள்ளார். 13 ஓவர்கள் பந்துவீசி 11 ரன்களை மட்டுமே விட்டுக்கொடுத்து 4 விக்கெட்டுகளை வீழ்த்தி அசத்தினார். இதன் மூலம் லார்ட்ஸ் மைதான வரலாற்றில் 1க்கும் குறைவான எகானமியில் (0.84) 4 விக்கெட்டுகளைக் கைப்பற்றிய முதல் வேகப்பந்து வீச்சாளர் என்ற பெருமையை அவர் பெற்றுள்ளார்.
4 விக்கெட்டுகள்
குறைந்த ரன்களை விட்டுக்கொடுத்து வீழ்த்தப்பட்ட 4 விக்கெட்டுகள்
லார்ட்ஸ் மைதானத்தில் இதுவரை 310 வேகப்பந்து வீச்சாளர்கள் 4 விக்கெட்டுகளைக் கைப்பற்றியுள்ள போதிலும், வெறும் 11 ரன்களை மட்டுமே விட்டுக்கொடுத்து 4 விக்கெட்டுகளை வீழ்த்திய ஒரே வேகப்பந்து வீச்சாளர் ஆலி ராபின்சன் மட்டுமே.
பாகிஸ்தான் அணியின் அதிகபட்ச ரன் சேர்த்த அசான் அவாய்ஸ் (46 ரன்கள்) உட்பட சவூத் ஷகீல், முகமது ரிஸ்வான் மற்றும் குர்ரம் ஷாசாத் ஆகிய முக்கிய வீரர்களின் விக்கெட்டுகளை இவர் வீழ்த்திப் பாகிஸ்தான் அணியின் பேட்டிங் வரிசையைச் சரித்தார்.
2வது சிறந்த பந்துவீச்சு
53 ஆண்டுகால டெஸ்ட் வரலாற்றில் 2வது மிகச்சிறந்த பந்துவீச்சு
டெஸ்ட் கிரிக்கெட் வரலாற்றில் பாகிஸ்தான் அணிக்கு எதிராக ஒரு வேகப்பந்து வீச்சாளரின் 2வது மிகவும் சிக்கனமான 4 விக்கெட் பந்துவீச்சு பதிவு இதுவாகும்.
இதற்கு முன் 1973 ஆம் ஆண்டு ஆஸ்திரேலியாவின் மேக்ஸ் வாக்கர் 16 ஓவர்களில் 15 ரன்களுக்கு 6 விக்கெட்டுகளைக் கைப்பற்றியிருந்தார்.
ஒட்டுமொத்த டெஸ்ட் கிரிக்கெட் வரலாற்றில் ஒரு வேகப்பந்து வீச்சாளர் பதிவு செய்த 14 வது மிகச் சிக்கனமான 4 விக்கெட் பந்துவீச்சாக ஆலி ராபின்சனின் இந்த அபாரமான பந்துவீச்சுப் பதிவு அமைந்துள்ளது.
மாஸ் கம்பேக்
2 ஆண்டுகளுக்குப் பிறகு இங்கிலாந்து அணியில் மாஸ் ரீ-என்ட்ரி
சுமார் 2 ஆண்டுகள் ஓய்விற்குப் பிறகு இங்கிலாந்து டெஸ்ட் அணியில் மீண்டுமொரு சிறப்பான கம்பேக்கை ராபின்சன் கொடுத்துள்ளார்.
மீண்டும் அணியில் இணைந்த பிறகு தான் விளையாடிய 3 டெஸ்ட் போட்டிகளில் 19 விக்கெட்டுகளை வீழ்த்தி 8.84 என்ற சராசரியைப் பராமரித்து வருகிறார்.
1890 ஆம் ஆண்டிற்குப் பிறகு இங்கிலாந்து மண்ணில் 10 க்கும் மேற்பட்ட விக்கெட்டுகளை வீழ்த்திய வேகப்பந்து வீச்சாளர்களில் ராபின்சனின் பந்துவீச்சு சராசரியே மிகச்சிறந்ததாகப் பதிவாகியுள்ளது என்பது குறிப்பிடத்தக்கது.