விராட் கோலி, ஏபி டி வில்லியர்ஸ் வரிசையில் எம்.எஸ்.தோனி புதிய சாதனை
செய்தி முன்னோட்டம்
இந்தியன் பிரீமியர் லீக்கில் (ஐபிஎல்) சென்னை சூப்பர் கிங்ஸ் (சிஎஸ்கே) கேப்டன் எம்எஸ் தோனி மேலும் ஒரு சாதனையை செய்துள்ளார்.
ஐபிஎல் 2023 தொடரின் முதல் போட்டியில் குஜராத் டைட்டன்ஸ் அணிக்கு எதிராக சிக்ஸர் அடித்ததன் மூலம் 200 ஐபிஎல் சிக்சர்களை அடித்த முதல் சிஎஸ்கே வீரர் என்ற பெருமையை தோனி பெற்றுள்ளார்.
இந்த போட்டியில் தோனி 7 பந்துகளில் 14* ரன்கள் எடுத்து தனது அணியை 175 ரன்களைக் கடக்க உதவினார். ஜோஷ்வா லிட்டில் வீசிய கடைசி ஓவரில் தோனி சிஎஸ்கேக்காக தனது 200வது சிக்சரை அடித்தார்.
தோனி இரண்டு வரும் ரைசிங் புனே சூப்பர் ஜெயன்ட்ஸில் விளையாடியுள்ள நிலையில் ஐபிஎல்லில் மொத்தமாக 230 சிக்ஸர்கள் அடித்துள்ளது குறிப்பிடத்தக்கது.
எம்.எஸ்.தோனி
ஐபிஎல்லில் ஒரே அணிக்காக 200 சிக்ஸர் அடித்த வீரர்கள்
ஒரே அணிக்காக அதிக சிக்ஸர் அடித்தவர்களில் கிறிஸ் கெய்ல் ஆர்சிபி அணிக்காக 238 சிக்ஸர்கள் அடித்து முதலிடத்தில் உள்ளார்.
ஆர்சிபி அணிக்காக ஏபி டி வில்லியர்ஸ் 238 சிக்ஸர்களும், விராட் கோலி 218 சிக்ஸர்களும் விளாசியுள்ள நிலையில் மும்பை இந்தியன்ஸ் அணிக்காக கீரன் பொல்லார்ட் 223 சிக்ஸர்களை அடித்துள்ளார்.
இவர்களையடுத்து ஒரு அணிக்காக 200 சிக்ஸர்கள் அடித்த ஐந்தாவது வீரர் என்ற பெருமையை தோனி பெற்றுள்ளார்.
தோனி ஐபிஎல்லில் மொத்தமாக 4,992 ரன்களை குவித்துள்ள நிலையில், இன்னும் 8 ரன்கள் எடுத்தால் ஐபிஎல்லில் 5,000 ரன்கள் என்ற மைல்கல்லை எட்டுவார்.