ஐபிஎல் 2026: 15 வயது சிறுவன் சூர்யவன்ஷி அதிரடி! 15 பந்துகளில் அரைசதம் வரலாற்று சாதனை!
செய்தி முன்னோட்டம்
ஐபிஎல் 2026 தொடரில் இன்று நடைபெற்ற சென்னை சூப்பர் கிங்ஸ் (CSK) மற்றும் ராஜஸ்தான் ராயல்ஸ் (RR) அணிகளுக்கு இடையிலான ஆட்டத்தில், 15 வயதே ஆன இளம் வீரர் வைபவ் சூர்யவன்ஷி (Vaibhav Suryavanshi) தனது அதிரடி ஆட்டத்தின் மூலம் ஒட்டுமொத்த கிரிக்கெட் உலகையும் அதிர வைத்துள்ளார். வெறும் 15 பந்துகளில் அரைசதம் விளாசி, ஐபிஎல் வரலாற்றில் மிகக்குறைந்த வயதில் அதிவேக அரைசதம் கடந்த வீரர் என்ற பெருமையை அவர் பெற்றுள்ளார். முன்னதாகப் பேட்டிங் செய்த சிஎஸ்கே அணி 127 ரன்களுக்குச் சுருண்ட நிலையில், 128 ரன்கள் என்ற எளிய இலக்கை நோக்கி ராஜஸ்தான் அணி களம் இறங்கியது.
சூர்யவன்ஷியின் ருத்ரதாண்டவம்
மின்னல் வேக அரைசதம்:
நிர்ணயித்த 128 ரன்கள் என்ற எளிய இலக்கை நோக்கி ராஜஸ்தான் ராயல்ஸ் அணியின் தொடக்க வீரர்களாக ஜெய்ஸ்வால் மற்றும் சூர்யவன்ஷி களம் இறங்கினர். ஆட்டத்தின் முதல் ஓவரிலேயே சூர்யவன்ஷி கொடுத்த கேட்ச் வாய்ப்பைச் சென்னை வீரர் கார்த்திக் சர்மா நழுவவிட்டார். அந்தப் பந்து பவுண்டரிக்குச் செல்ல, அங்கிருந்து சூர்யவன்ஷியின் ருத்ரதாண்டவம் தொடங்கியது. 6-வது ஓவரின் 5-வது பந்தில் ஒரு பிரம்மாண்ட சிக்ஸர் விளாசி, வெறும் 15 பந்துகளில் தனது முதல் ஐபிஎல் அரைசதத்தைப் பதிவு செய்தார். தனது இன்னிங்ஸில் 4 பவுண்டரிகள் மற்றும் 5 சிக்ஸர்களைப் பறக்கவிட்டு சென்னை பந்துவீச்சாளர்களைத் திணறடித்தார். அரைசதம் கடந்த அடுத்த பந்திலேயே, அதாவது 15 பந்துகளில் 52 ரன்கள் எடுத்த நிலையில் அவர் ஆட்டமிழந்தார்.
முதல்வெற்றி
ராஜஸ்தான் அணியின் அதிவேக சாதனைகள்:
ராஜஸ்தான் ராயல்ஸ் அணிக்காக ஏற்கனவே ஜெய்ஸ்வால் 13 பந்துகளில் அரைசதம் அடித்துச் சாதனை படைத்துள்ளார். அவருக்கு அடுத்தபடியாக, அதிவேகமாக அரைசதம் அடித்த இரண்டாவது வீரர் என்ற பெருமையை இப்போது 15 வயது சூர்யவன்ஷி பெற்றுள்ளார். 15 வயதிலேயே ஐபிஎல் போட்டியில், சென்னை போன்ற பலமான அணிக்கு எதிராக இவ்வளவு துணிச்சலாக விளையாடியது ரசிகர்களிடையே பெரும் வரவேற்பைப் பெற்றுள்ளது. 127 ரன்கள் மட்டுமே எடுத்த நிலையில், சூர்யவன்ஷியின் அதிரடித் தொடக்கம் சென்னையின் வெற்றி வாய்ப்பை ஆரம்பத்திலேயே கேள்விக்குறியாக்கியுள்ளது. வைபவ் சூர்யவன்ஷியின் இந்த மிரட்டலான ஆட்டம், ஐபிஎல் தொடரில் இளம் திறமைகளுக்குப் பஞ்சமில்லை என்பதை மீண்டும் ஒருமுறை நிரூபித்துள்ளது. ராஜஸ்தான் அணி இந்த இலக்கை மிக எளிதாகக் கடந்து தனது முதல் வெற்றியைப் பதிவு செய்தது.