ஐபிஎல் 2023 : கேகேஆர் vs சன்ரைசர்ஸ்! கடந்த கால புள்ளி விபரங்கள்!
வெள்ளியன்று (ஏப்ரல் 14) ஐபிஎல் 2023 சீசனின் 19வது ஆட்டத்தில் கொல்கத்தாவில் உள்ள ஈடன் கார்டனில் சன்ரைசர்ஸ் ஹைதராபாத் கொல்கத்தா நைட் ரைடர்ஸ் அணியுடன் மோத உள்ளது. பஞ்சாப் கிங்ஸுக்கு எதிரான முதல் ஆட்டத்தில் தோல்வியடைந்த பிறகு, கொல்கத்தா நைட் ரைடர்ஸ் அணி அடுத்த இரண்டு ஆட்டங்களிலும் வெற்றி பெற்று வலுவாக உள்ளது. மறுபுறம் சன்ரைசர்ஸ் ஹைதராபாத் இரண்டு தோல்விகளையும் ஒரு வெற்றியையும் பெற்றுள்ளது. இரு அணிகளும் இதுவரை 23 போட்டிகளில் நேருக்கு நேர் மோதியுள்ள நிலையில், கொல்கத்தா நைட் ரைடர்ஸ் அணி 15 போட்டிகளிலும், சன்ரைசர்ஸ் ஹைதராபாத் அணி 8 போட்டிகளிலும் வெற்றி பெற்றுள்ளது.
எதிர்பார்க்கப்படும் பிளேயிங் 11
போட்டி இரவு 7.30 மணிக்கு தொடங்கும். ஸ்டார் ஸ்போர்ட்ஸ் போட்டியை தொலைக்காட்சியில் நேரடி ஒளிபரப்பு செய்யும், மேலும் ஜியோ சினிமாவிலும் ரசிகர்கள் நேரலையில் கண்டு களிக்கலாம். எதிர்பார்க்கப்படும் விளையாடும் 11 வீரர்களின் பட்டியல் பின்வருமாறு:- கேகேஆர் : ரஹ்மானுல்லா குர்பாஸ், என் ஜெகதீசன், நிதிஷ் ராணா, ரின்கு சிங், ஆண்ட்ரே ரஸ்ஸல், ஷர்துல் தாக்கூர், சுனில் நரைன், சுயாஷ் சர்மா, வருண் சக்ரவர்த்தி, லாக்கி பெர்குசன், உமேஷ் யாதவ். எஸ்ஆர்எச் : ஹாரி புரூக், மயங்க் அகர்வால், ராகுல் திரிபாதி, ஐடன் மார்க்ரம், ஹென்ரிச் கிளாசென், வாஷிங்டன் சுந்தர், மார்கோ ஜான்சன், புவனேஷ்வர் குமார், மயங்க் மார்கண்டே, உம்ரான் மாலிக், நடராஜன். இம்பாக்ட் வீரர்கள்: வெங்கடேஷ் ஐயர் (கேகேஆர்), அப்துல் சமத் (எஸ்ஆர்எச்).
