ஐபிஎல் 2023 : புதிய கேப்டன் ஷிகர் தவான் தலைமையில் கொடி நாட்டுமா பஞ்சாப் கிங்ஸ்?
2023 இந்தியன் பிரீமியர் லீக் (ஐபிஎல்) மார்ச் 31 ஆம் தேதி தொடங்க உள்ளதால் 10 அணிகளும் தயாராகி வருகின்றன. பஞ்சாப் கிங்ஸ் (பிபிகேஎஸ்) ஏப்ரல் 1-ம் தேதி கொல்கத்தா நைட் ரைடர்ஸ் அணிக்கு எதிராக தங்கள் முதல் போட்டியில் விளையாட உள்ளது. பஞ்சாப் கிங்ஸ் கடந்த காலத்தில் பல சீசன்களிலும் மிக மோசமான ஆட்டத்தையே வெளிப்படுத்தி உள்ளன. தற்போது புதிய கேப்டன் ஷிகர் தவானின் கீழ், வெற்றிகரமான அணியாக மாறும் முனைப்புடன் உள்ளது. ஐபிஎல்லில் இதுவரை ஒருமுறை கூட பட்டம் வெல்லாத பஞ்சாப் கிங்ஸ் 2014இல் ஒரே ஒருமுறை மட்டும் இறுதிப் போட்டிக்கு முன்னேறியுள்ளனர். 2010, 2015 மற்றும் 2016 என மூன்று முறை புள்ளிப்பட்டியலில் கடைசி இடம் பிடித்துள்ளது.
ஐபிஎல் 2023க்கான பஞ்சாப் கிங்ஸ் அணி வீரர்களின் விபரம்
இங்கிலாந்து ஆல்-ரவுண்டர் சாம் கர்ரனை ரூ.18.50 கோடிக்கு வாங்கியது. இதன் மூலம் ஐபிஎல் வரலாற்றில் அதிக விலை கொண்ட வீரர் என்ற பெருமையை அவர் பெற்றார். ஜானி பேர்ஸ்டோவ்வுக்கு இங்கிலாந்து கிரிக்கெட் வாரியம் என்ஓசி தராததால் அவர் அணியில் இடம் பெறுவது கேள்விக்குறியாகி உள்ளது. பஞ்சாப் கிங்ஸ் அணி: ஷிகர் தவான் (கேப்டன்), ஷாருக் கான், ஜானி பேர்ஸ்டோவ், பிரப்சிம்ரன் சிங், பானுகா ராஜபக்சே, ஜிதேஷ் சர்மா, ராஜ் பாவா, ரிஷி தவான், லியாம் லிவிங்ஸ்டோன், அதர்வா டைடே, அர்ஷ்தீப் சிங், பால்தேஜ் சிங், நாதன் எல்லிஸ், ககிசோ ரபாடா, ராகுல் சாஹர், ஹர்ப்ரீத் ப்ரார், சாம் குர்ரன், சிக்கந்தர் ராசா, ஹர்ப்ரீத் பாட்டியா, வித்வத் கவேரப்பா, மோஹித் ரதி, சிவம் சிங்
