டிசி vs பிபிகேஎஸ் புள்ளி விபரம்! வீரர்கள் எட்ட வாய்ப்புள்ள சாதனைகள்!
ஐபிஎல் 2023 தொடரின் 59வது போட்டியில் சனிக்கிழமை இரவு 7.30 மணிக்கு நடக்கும் போட்டியில் டெல்லி கேப்பிடல்ஸ் மற்றும் பஞ்சாப் கிங்ஸ் அணிகள் மோதுகின்றன. போட்டி டெல்லி அருண் ஜெட்லீ மைதானத்தில் நடக்க உள்ளது. பஞ்சாப் கிங்ஸ் அணி இதுவரை 11 போட்டிகளில் விளையாடி 5 வெற்றி மற்றும் 6 தோல்விகளுடன் புள்ளிப்பட்டியலில் ஏழாவது இடத்தில் உள்ளது. மறுபுறம் டெல்லி கேப்பிடல்ஸ் அணியும் இதுவரை 11 போட்டிகளில் விளையாடியுள்ள நிலையில் 4 வெற்றிகளை மட்டுமே பெற்று புள்ளிப்பட்டியலில் கடைசி இடத்தில் உள்ளது. இரு அணிகளும் பிளே ஆப் வாய்ப்பை தக்கவைக்க போட்டியில் வென்றாக வேண்டிய கட்டாயத்தில் உள்ளன.
போட்டியில் வீரர்கள் எட்ட வாய்ப்புள்ள மைல்ஸ்டோன்கள்
இஷாந்த் சர்மா ஐபிஎல்லில் தனது 100வது ஆட்டத்தை விளையாட உள்ளார். ரோவ்மேன் பவல் டி20 கிரிக்கெட்டில் 3,000 ரன்கள் எனும் மைல்ஸ்டோனை எட்ட இன்னும் 54 ரன்கள் தேவை. முஸ்தாபிசுர் ரஹ்மான் ஐபிஎல்லில் 50 விக்கெட்டுகளை எடுக்க இன்னும் 3 விக்கெட்டுகள் தேவை. பானுகா ராஜபக்சே 10 ரன்கள் எடுத்தால் டி20 கிரிக்கெட்டில் 3,000 ரன்கள் எனும் மைல்ஸ்டோனை எட்டுவார். ஷிகர் தவான் ஐபிஎல்லில் 750 பவுண்டரிகள் அடித்த முதல் வீரர் என்ற சாதனை படைக்க இன்னும் 2 பவுண்டரிகள் மட்டுமே தேவை. மேலும் ஐபிஎல்லில் 150 சிக்சர்களை எட்ட இன்னும் 4 சிக்சர்கள் அடிக்க வேண்டும்.
இந்த காலவரிசையைப் பகிரவும்