INDvsBAN 2வது டெஸ்ட்: சோதனையிலும் சாதனை; 56 ஆண்டுகால இயான் செப்பலின் ரெகார்டை முறியடித்தார் ஜாகிர் ஹசன்
செய்தி முன்னோட்டம்
கான்பூரில் உள்ள கிரீன் பார்க் மைதானத்தில் வெள்ளிக்கிழமை (செப்டம்பர் 27) இந்தியா மற்றும் வங்கதேசம் இடையிலான இரண்டாவது டெஸ்ட் கிரிக்கெட் போட்டி மோசமான வானிலை காரணமாக 35 ஓவர்கள் மட்டுமே ஆடப்பட்டது.
இதில் முதலில் பேட்டிங் செய்த வங்கதேச அணியில் ஜாகிர் ஹசன் மற்றும் ஷத்மன் இஸ்லாம் தொடக்க ஆட்டக்காரர்களாக களமிறங்கினர்.
இதில் ஜாகிர் ஹசன் 24 பந்துகளை எதிர்கொண்டு ரன் எதுவும் எடுக்காமல் வெளியேறினார். ஷத்மன் இஸ்லாம் 24 ரன்களும், கேப்டன் நஜ்மல் ஹொசைன் சாண்டோ 31 ரன்களும் எடுத்து அவுட்டாகினர்.
முஷ்பிகுர் ரஹீம் 6 ரன்களுடனும், 40 ரன்களுடனும் களத்தில் உள்ள நிலையில், வங்கதேச அணி முதல் நாள் முடிவில் 3 விக்கெட் இழப்பிற்கு 107 ரன்களை எடுத்துள்ளது.
மோசமான சாதனை
இந்தியாவுக்கு எதிரான மோசமான சாதனை
வங்கதேச கிரிக்கெட் அணியின் தொடக்க ஆட்டக்காரர் ஜாகிர் ஹசன் 24 பந்துகளை எதிர்கொண்டு ரன் எதுவும் எடுக்காமல், ஆகாஷ் தீப் பந்துவீச்சில் ஆட்டமிழந்தார்.
இதன் மூலம், 1968ஆம் ஆண்டு சிட்னியில் இந்தியாவுக்கு எதிராக அதிகபட்சமாக 22 பந்துகளை எதிகொண்டு ரன் எடுக்காமல் வெளியேறிய ஆஸ்திரேலியாவின் இயான் சேப்பலின் முந்தைய மோசமான சாதனையை முறியடித்தார்.
இதன் மூலம், டெஸ்ட் போட்டிகளில், இந்திய கிரிக்கெட் அணிக்கு எதிராக ஒரு இன்னிங்ஸில் அதிக பந்துகளை எதிர்கொண்டு ரன் எடுக்காமல் அவுட்டான வீரர்களில் (1 முதல் 7 வரையிலான பேட்டிங் ஆர்டரில்) முதலிடத்தில் உள்ளார்.
இந்த பட்டியலில் ஆஸ்திரேலியாவின் ஸ்டீவ் வா மூன்றாம் இடத்திலும், ஷான் மார்ஷ் நான்காம் இடத்திலும், கேமரூன் கிரீன் ஐந்தாவது இடத்திலும் உள்ளனர்.