'தோனியிடம் தோற்றத்தில் மகிழ்ச்சியே' : குஜராத் டைட்டன்ஸ் கேப்டன் ஹர்திக் பாண்டியா நெகிழ்ச்சி!
செய்தி முன்னோட்டம்
ஐபிஎல் 2023 இறுதிப் போட்டியில் சென்னை சூப்பர் கிங்ஸ் அணிக்கு எதிராக தோல்வியை எதிர்கொண்டாலும், குஜராத் டைட்டன்ஸ் கேப்டன் ஹர்திக் பாண்டியா, தனது அணியைப் பற்றி பெருமைப்படுவதாக கூறியுள்ளார். மேலும் யாரிடமாவது பட்டத்தை இழக்க நேருமானால், அது சென்னை சூப்பர் கிங்ஸ் கேப்டன் எம்எஸ் தோனியிடம் தான் என்று கூறியுள்ளார். முன்னதாக ஞாயிற்றுக்கிழமை (மே 28) இந்த போட்டி மழையால் திங்கட்கிழமைக்கு ஒத்திவைக்கப்பட்டது. திங்கட்கிழமை இரவு போட்டியின் முதல் இன்னிங்ஸில் குஜராத் டைட்டன்ஸ் 214 ரன்கள் குவித்தது. சாய் சுதர்சன் 96 ரன்கள் குவித்தார். சென்னை சூப்பர் கிங்ஸ் 3 பந்துகளை மட்டுமே விளையாடிய நிலையில் மழையால் ஆட்டம் தடைபட்ட நிலையில், டக்வொர்த் லூயிஸ் முறைப்படி 15ஓவர்களில் 171 ரன்கள் இலக்கு நிர்ணயிக்கப்பட்டது.
hardik pandya praises modi
குஜராத் டைட்டன்ஸ் கேப்டன் ஹர்திக் பாண்டியா பேசியதன் முழு விபரம்
சென்னை சூப்பர் கிங்ஸ் அணி கடைசி ஓவரில் 13 ரன்கள் எடுத்தால் வெற்றி எனும் நிலையில், முதல் 4 பந்துகளில் 3 ரன்கள் மட்டுமே எடுத்தது. இதனால் சென்னை அணி தோல்வி அடைந்து விடும் என எதிர்பார்த்த நிலையில், ஜடேஜா கடைசி இரண்டு பந்தில் 10 ரன்கள் எடுத்து அணிக்கு வெற்றியை பெற்றுத் தந்தார். இந்நிலையில் போட்டிக்கு பிறகு பேசிய குஜராத் டைட்டன்ஸ் அணியின் கேப்டன் ஹர்திக் பாண்டியா, "எம்எஸ் தோனிக்காக நான் மிகவும் மகிழ்ச்சியடைகிறேன். நான் தோற்க நேர்ந்தால், அவரிடம் தோற்பதில் மகிழ்ச்சி அடைவேன். நல்லவர்களுக்கு நல்லது நடக்கும். எனக்கு தெரிந்த சிறந்த மனிதர்களில் அவரும் ஒருவர். கடவுள் எனக்கும் கருணை காட்டியுள்ளார். ஆனால் இன்று அவரது இரவு." என்று கூறினார்.