2027 ஒருநாள் உலக கோப்பை தகுதி சுற்று: நேபாளத்தில் டிசம்பர் 4 முதல் தொடக்கம்
செய்தி முன்னோட்டம்
2027-ஆம் ஆண்டு நடைபெறவுள்ள ஆடவர் ஒருநாள் உலகக் கோப்பை கிரிக்கெட் தொடருக்கான தகுதிச்சுற்று பிளே-ஆப் ஆட்டங்கள் வரும் டிசம்பர் 4 முதல் 21 வரை நேபாளத்தில் நடைபெறவுள்ளதாக சர்வதேச கிரிக்கெட் கவுன்சில் அறிவித்துள்ளது. இத்தொடரில் நேபாளம், நமீபியா, கனடா, ஐக்கிய அரபு அமீரகம், இத்தாலி, உகாண்டா, ஜெர்சி மற்றும் குவைத் ஆகிய 8 நாடுகள் மோதுகின்றன. ரவுண்ட் ராபின் முறையில் தலா 7 போட்டிகளில் மோதும் இவ்வணிகளில், புள்ளிப்பட்டியலில் முதல் 4 இடங்களைப் பிடிக்கும் அணிகள் 10 அணிகள் மோதும் பிரதான உலகக் கோப்பை தகுதிச்சுற்றுக்கு தகுதி பெறும்.
தொடக்க ஆட்டங்கள்
போட்டி அட்டவணை
டிசம்பர் 4 அன்று தொடங்கும் முதல் போட்டியில் நேபாளம் அணி இத்தாலியை காத்மாண்டுவில் உள்ள திரிபுவன் பல்கலைக்கழக மைதானத்தில் எதிர்கொள்கிறது.
அதே நாளில் மற்றொரு போட்டியில் நமீபியா மற்றும் உகாண்டா அணிகள் அப்பர் முல்பானி மைதானத்தில் மோதுகின்றன.
டிசம்பர் 5 அன்று ஐக்கிய அரபு அமீரகம் - ஜெர்சி மற்றும் குவைத் - கனடா அணிகள் மோதுகின்றன. இந்த இரண்டு மைதானங்களில் மொத்தம் 28 போட்டிகள் நடைபெற உள்ளன.
இத்தொடர் அனைத்து அணிகளுக்கும் ஒருநாள் உலகக் கோப்பைக்கான கனவை உயிர்ப்புடன் வைத்திருக்க முக்கியமான வாய்ப்பாக அமைந்துள்ளது.
சூப்பர் சீரிஸ்
உலக கோப்பை வாய்ப்புகள்
அடுத்தகட்ட உலகளாவிய தகுதிச்சுற்றில் முதலிடம் பிடிக்கும் அணி நேரடியாக உலகக் கோப்பைக்குத் தகுதிபெறும் நிலையில், அடுத்த மூன்று இடங்களைப் பிடிக்கும் அணிகள் புதிய சூப்பர் சீரிஸ் சுற்றில் மோதும்.
தென் ஆப்பிரிக்கா, ஜிம்பாப்வே மற்றும் நமீபியா ஆகிய நாடுகள் இணைந்து நடத்தும் 2027 உலகக் கோப்பையில் 14 அணிகள் பங்கேற்று 57 போட்டிகளில் விளையாடவுள்ளன.
இதனால் நேபாளத்தில் தொடங்கவுள்ள இந்த தகுதிச்சுற்று சர்வதேச கிரிக்கெட் ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.