சென்னையில் மேம்படுத்தப்பட்ட ஹாக்கி விளையாட்டு அரங்கத்தை திறந்து வைத்தார் முதல்வர்
தமிழ்நாடு விளையாட்டு மேம்பாட்டு ஆணையமும், ஹாக்கி இந்தியாவும் இணைந்து நடத்தும் ஆசிய சாம்பியன்ஸ் கோப்பைக்கான 7வது ஆடவர் ஹாக்கி போட்டிகள் வரும் ஆகஸ்ட் 3ம் தேதி சென்னையில் துவங்கவுள்ளது என்று தகவல்கள் தெரிவிக்கிறது. இந்த போட்டியானது ஆகஸ்ட் 12ம் தேதி வரை நடக்கும் என்றும் கூறப்பட்டுள்ளது. சென்னையில் நடக்கவுள்ள இந்த ஹாக்கி போட்டியில் சீனா, ஜப்பான், தென் கொரியா, இந்தியா, பாகிஸ்தான், மலேசியா உள்ளிட்ட நாடுகளை சேர்ந்த அணிகள் பங்கேற்கவுள்ளனர். இதனிடையே, இந்த போட்டியில் வெற்றிபெறும் அணிக்கு வழங்கப்படவுள்ள கோப்பையானது தமிழகம் முழுவதும் ஊர்வலம் எடுத்து செல்லப்பட்டு வருகிறது. இந்நிலையில் இந்த போட்டிகள் நடக்கவுள்ள சென்னை ராதாகிருஷ்ணன் மைதானத்திலுள்ள மேம்படுத்தப்பட்ட ஹாக்கி அரங்கத்தினை தமிழக முதல்வர் மு.க.ஸ்டாலின் திறந்து வைத்துள்ளார் என்பது குறிப்பிடத்தக்கது.
