பாகிஸ்தான் வீரர்களிடம் அந்த மாதிரி செய்யாதீர்கள்; ரசிகர்களுக்கு கவுதம் காம்பிர் அட்வைஸ்
செய்தி முன்னோட்டம்
அகமதாபாத்தில் உள்ள நரேந்திர மோடி ஸ்டேடியத்தில் பாகிஸ்தானுக்கு எதிரான போட்டி தொடங்கியுள்ள நிலையில், இந்திய கிரிக்கெட் அணியின் முன்னாள் பேட்டர் கவுதம் காம்பிர் ரசிகர்களுக்கு ஒரு முக்கிய அட்வைஸை வழங்கியுள்ளார்.
டாஸ் போட்ட பிறகு ஸ்டார் ஸ்போர்ட்ஸில் பேசிய காம்பிர், உலகக் கோப்பையில் பங்கேற்க பாகிஸ்தான் அணி இந்தியா வந்துள்ளதால், அந்நாட்டு வீரர்களை அவமரியாதை செய்யும் வகையில் யாரும் நடந்து கொள்ள வேண்டாம் என ரசிகர்களை வலியுறுத்தினார்.
முன்னதாக, சமீபத்தில் அகமதாபாத் வந்த பாகிஸ்தான் கிரிக்கெட் வீரர்களுக்கு பிரமாண்ட வரவேற்பு கொடுத்ததை அடுத்து கிரிக்கெட் ரசிகர்கள் சமூக வலைதளங்களில் கண்டித்து பதிவிட்ட நிலையில், மைதானத்தில் ரசிகர்கள் அநாகரீகமாக நடந்துவிடக் கூடாது என காம்பிர் இதை கூறியுள்ளார்.
Gautam Gambhir advises Indian fans
கவுதம் காம்பிர் பேசியதன் முழு விபரம்
ஸ்டார் ஸ்போர்ட்ஸில் பேசிய காம்பிர், "உங்கள் அணியை ஆதரிக்கவும். ஆனால் பாகிஸ்தான் கிரிக்கெட் அணி வீரர்களிடம் தவறாக நடந்து கொள்ளாதீர்கள்.
எல்லாவற்றிற்கும் மேலாக அவர்கள் உங்கள் விருந்தினர்கள். அவர்கள் நம் நாட்டிற்கு வந்துள்ளார்கள் என்பதை நாம் நினைவில் கொள்ள வேண்டும்." என்று கூறினார்.
முன்னதாக, பாகிஸ்தான் ரசிகர்கள் போட்டிக்கான விசாவைப் பெற முடியாமல் போனதால், நரேந்திர மோடி ஸ்டேடியத்தில் இந்திய ரசிகர்கள் மிக அதிக அளவில் திரண்டுள்ளனர்.
போட்டியை பொறுத்தவரை, டாஸ் வென்ற இந்திய அணியின் கேப்டன் ரோஹித் ஷர்மா முதலில் பந்துவீச்சைத் தேர்வு செய்த நிலையில், பாகிஸ்தான் அணி பேட் செய்து வருகிறது.