ஐபிஎல் 2023 : சென்னை சூப்பர் கிங்ஸ் அணியின் வலுவான பிளேயிங் 11 இது தான்
எம்.எஸ்.தோனி தலைமையிலான சென்னை சூப்பர் கிங்ஸ் (சிஎஸ்கே) இந்தியன் பிரீமியர் லீக் (ஐபிஎல்) 2023 சீசனில் ஐந்தாவது பட்டத்தை வெல்வதற்கான முனைப்புடன் உள்ளது. நான்கு முறை சாம்பியனான சிஎஸ்கே 2022 இல் மிக மோசமாக செயல்பட்டு புள்ளிப்பட்டியலில் கடைசி இடத்திற்கு முந்தைய இடத்தை மட்டுமே பிடிக்க முடிந்தது. இதில் சிஎஸ்கே14 லீக் ஆட்டங்களில் நான்கு வெற்றிகளை மட்டுமே பதிவு செய்ய முடிந்தது. 2022 சீசன் தொடங்குவதற்கு முன்பு ரவீந்திர ஜடேஜா கேப்டனாக நியமிக்கப்பட்ட நிலையில், அவரது தலைமையின் கீழ், சிஎஸ்கே எட்டு போட்டிகளில் இரண்டு வெற்றிகளை மட்டுமே பதிவு செய்தது. அதன் பிறகு பாதியிலேயே மீண்டும் கேப்டனாக தோனி களமிறங்கிய நிலையில், இந்த முறையும் தோனியின் தலைமையிலேயே சிஎஸ்கே விளையாடும் என எதிர்பார்க்கப்படுகிறது.
வலுவான சிஎஸ்கே பிளேயிங் 11 வீரர்களின் பட்டியல்
சிஎஸ்கே டிசம்பரில் நடந்த ஏலத்தில் பென் ஸ்டோக்ஸை 16.25 கோடி ரூபாய்க்கு அதிக விலை கொடுத்து கைப்பற்றியது. சென்னை அணி பென் ஸ்டோக்ஸ், மொயீன் அலி, ஜடேஜா, தீபக் சாஹர், முகேஷ் சவுத்ரி உள்ளிட்ட பல திறமையான வீரர்களுடன் நடப்பு ஐபிஎல்லில் களமிறங்க உள்ளது. சென்னை அணியின் மிகச்சிறந்த பிளேயிங் 11 வீரர்களை நிபுணர்கள் கணித்துள்ளனர். அதன்படி, சிறந்த பிளேயிங் 11 பின்வருமாறு :- டெவோன் கான்வே, ருதுராஜ் கெய்க்வாட், அம்பதி ராயுடு, மொயின் அலி, பென் ஸ்டோக்ஸ், ஷிவம் துபே, எம்எஸ் தோனி (கேப்டன் & விக்கெட் கீப்பர்), ரவீந்திர ஜடேஜா, தீபக் சாஹர், முகேஷ் சவுத்ரி, மகேஷ் தீக்ஷனா/ மிட்செல் சான்ட்னர்.
இந்த காலவரிசையைப் பகிரவும்