சர்வதேச குத்துச்சண்டை போட்டியில் இந்தியாவுக்கு 8 பதக்கங்கள்
ஞாயிற்றுக்கிழமை (பிப்ரவரி 27) பல்கேரியாவின் சோபியாவில் நடைபெற்ற 74வது ஸ்ட்ராண்ட்ஜா நினைவு சர்வதேச குத்துச்சண்டை போட்டியில் இந்திய அணி 8 பதக்கங்களுடன் நிறைவு செய்துள்ளது. இறுதி நாளில் இந்திய வீரர்களான கோவிந்த் குமார் சஹானி, அனாமிகா மற்றும் அனுபமா ஆகியோர் வெள்ளிப் பதக்கங்களை வென்றனர். முன்னதாக, எஸ்.கலைவாணி (48 கிலோ), ஸ்ருதி யாதவ் (70 கிலோ) மற்றும் மோனிகா (+81 கிலோ) போட்டியில் வெண்கலப் பதக்கங்களை வென்றனர். மேலும் பிஷ்வாமித்ரா சோங்தம் (51 கிலோ) மற்றும் 2021 உலக இளைஞர் சாம்பியன் பட்டம் வென்ற சச்சின் (54 கிலோ) வெண்கலப் பதக்கங்களை பெற்றனர்.
