35வது பிறந்தநாளை கொண்டாடும் அஜிங்க்யா ரஹானே! ஐபிஎல் 2023இல் டாப் 5 பெர்பார்மன்ஸ்!
செய்தி முன்னோட்டம்
ஐபிஎல் 2023 தொடர் ரன்களின் அடிப்படையில் ஒட்டுமொத்தமாக அஜிங்க்யா ரஹானேவின் சிறந்த சீசனாக இல்லாவிட்டாலும், அவர் இந்த சீசனில் தனக்கென ஒரு புது அடையாளத்தை உருவாக்கியுள்ளார்.
அனைத்திற்கும் மேலாக, ஐபிஎல் 2023 சீசனில் தனது சிறந்த ஆட்டத்தின் மூலம் ஆஸ்திரேலியாவுக்கு எதிரான உலக டெஸ்ட் சாம்பியன்ஷிப் இறுதிப் போட்டிக்கான இந்திய அணியில் அவர் இடம் பிடித்திருக்கிறார்.
சென்னை சூப்பர் கிங்ஸ் ஜெர்சியில் எம்எஸ் தோனியின் தலைமையில் விளையாடிய ரஹானே தனது ஐபிஎல் 2023 சீசனை 172.49 ஸ்ட்ரைக் ரேட்டுடன் 326 ரன்களுடன் முடித்தார்.
அஜிங்க்யா ரஹானே தனது 35வது பிறந்தநாளை இன்று கொண்டாடும் வேளையில், ஐபிஎல் 2023ல் அவரது டாப் ஐந்து இன்னிங்ஸ்களை இதில் பார்க்கலாம்.
rahane ipl 2023 top 5 performance
கொல்கத்தா நைட் ரைடர்ஸ் அணிக்கு எதிராக 71 நாட் அவுட்
இந்த சீசனில் தனது முதல் ஐபிஎல் போட்டியில், மும்பை இந்தியன்ஸ் அணிக்கு எதிராக விளையாடிய ரஹானே, கிடைத்த வாய்ப்பை சரியாக பயன்படுத்தி 27 பந்துகளில் 61 ரன்கள் எடுத்து, 7 விக்கெட் வித்தியாசத்தில் தனது அணியை வெற்றிபெற செய்திருக்கிறார்.
பின்னர், கொல்கத்தா நைட் ரைடர்ஸுக்கு எதிராக இந்த சீசனில் தனது அதிகபட்ச ஸ்கோரை பதிவு செய்தார்.
இதில் 29 பந்துகளில் ஆட்டமிழக்காமல் 71 ரன்கள் எடுத்ததன் மூலம் சென்னை சூப்பர் கிங்ஸ் 49 ரன்கள் வித்தியாசத்தில் வெற்றி பெற்றனர்.
மேலும், ராஜஸ்தான் ராயல்ஸ் அணிக்கு எதிரான போட்டியில் 31 ரன்களும், ராயல் சேலஞ்சர்ஸ் பெங்களூர் அணிக்கு எதிரான போட்டியில் 37 ரன்களும், குஜராத் டைட்டன்ஸ் அணிக்கு எதிரான இறுதிப்போட்டியில் 27 ரன்களும் எடுத்தார்.