ஆஸ்திரேலிய டி20 அணியின் கேப்டன் ஆரோன் பின்ச் கிரிக்கெட்டிலிருந்து ஓய்வு!
ஒயிட்-பால் கிரிக்கெட்டில் ஆஸ்திரேலியாவை பிரதிநிதித்துவப்படுத்திய சிறந்த பேட்டர்களில் ஒருவரான ஆரோன் பின்ச் டி20 கிரிக்கெட்டில் இருந்து ஓய்வு பெறுவதாக அறிவித்துள்ளார். பின்ச் கடந்த ஆண்டு ஆஸ்திரேலியாவில் நடந்த ஐசிசி டி20 உலகக் கோப்பை சர்வதேச அரங்கில் தான் கடைசியாக விளையாடியிருந்தார். முன்னதாக, பந்தை சேதப்படுத்திய ஊழலுக்குப் பிறகு ஸ்டீவ் ஸ்மித் மற்றும் டேவிட் வார்னர் தலைமைத் தடைகளை எதிர்கொண்ட பிறகு 2018 ஆம் ஆண்டில் ஆஸ்திரேலியாவின் ஒயிட்-பால் கேப்டனாக ஃபின்ச் ஆனது குறிப்பிடத்தக்கது. 2019 ஒருநாள் உலகக் கோப்பையில் ஆஸ்திரேலியாவை அரையிறுதி வரை அழைத்துச் சென்ற பின்ச், 2021இல், முதல் டி20 உலகக்கோப்பையை வென்று கொடுத்தார். டி20 கிரிக்கெட்டில் இரண்டு 150க்கும் அதிகமான ஸ்கோரைப் பெற்ற ஒரே பேட்டர் இவர் என்பது குறிப்பிடத்தக்கது.
ஆரோன் பின்ச்சின் கிரிக்கெட் புள்ளி விபரங்கள்
டி20யை பொறுத்தவரை 103 ஆட்டங்களில் 3,120 ரன்கள் எடுத்தார். இதில் 2 சதங்கள் மற்றும் 19 அரைசதங்கள் அடங்கும். டி20 வடிவத்தில் 150க்கும் மேல் ரன்கள் தனிநபர்களால் மூன்று முறை மட்டுமே எடுக்கப்பட்ட நிலையில், அதில் இரண்டு பின்ச் எடுத்ததாகும்(156 மற்றும் 172). பின்ச் 146 ஒருநாள் போட்டிகளில் 5,406 ரன்கள் எடுத்தார். இதில் 17 சதங்கள் மற்றும் 30 அரை சதங்கள் அடங்கும். அவரது அதிகபட்ச ஸ்கோர் 153* ஆகும். ஓய்வு குறித்து அறிக்கை வெளியிட்டுள்ள பின்ச், "2024 ஆம் ஆண்டு நடைபெறவுள்ள அடுத்த டி20 உலகக் கோப்பை வரை நான் விளையாட மாட்டேன் என்பதை உணர்ந்து, பதவி விலகுவதற்கான சரியான தருணம் இது" என்று தெரிவித்துள்ளார்.
