ஆஸ்திரேலியாவுக்கு எதிராக அதிக விக்கெட்டுகள் : கும்ப்ளேவின் சாதனையை முறியடித்தார் அஸ்வின்
ஆஸ்திரேலிய அணிக்கு எதிராக டெஸ்ட் கிரிக்கெட்டில் அதிக விக்கெட்டுகளை வீழ்த்திய இந்திய பந்துவீச்சாளர் என்ற பெருமையை ஆஃப் ஸ்பின்னர் ரவிச்சந்திரன் அஸ்வின் பெற்றுள்ளார். அகமதாபாத்தில் நடந்து வரும் நான்காவது டெஸ்டில் 6 விக்கெட்டுகளை வீழ்த்தியதன் மூலம் அஸ்வின், ஆஸ்திரேலியாவுக்கு எதிராக 113 விக்கெட்டுகளை எடுத்தார். இதன் மூலம் அனில் கும்ப்ளேவின் 111 விக்கெட்டுகள் சாதனையை முறியடித்தார். அஸ்வின் 22 போட்டிகளில் 113 விக்கெட்டுகளை வீழ்த்தியுள்ள நிலையில் கும்ப்ளே 20 போட்டிகளில் 111 விக்கெட்டுகளை எடுத்துள்ளார். மேலும் ஆஸ்திரேலியாவுக்கு எதிராக 100க்கும் மேற்பட்ட விக்கெட்டுகளை வீழ்த்திய இந்திய பந்துவீச்சாளர்கள் இவர்கள் இருவர் மட்டும் தான் என்பது குறிப்பிடத்தக்கது.
