உலகத்தின் பார்வையில், சீன தொலைத்தொடர்பு நுட்பங்களுக்கு, இந்தியா தீர்வா?
இந்தியா தொலைத்தொடர்பு யுக்திகளில் பல முன்னேற்றங்களை சமீபத்தில் கொண்டு வந்துள்ளது. உலக சந்தையில், இது மிக பெரிய மாற்றத்தையும் ஏற்படுத்தி உள்ளது. உலகெங்கும், சீன தொழில்நுட்ப நுட்பங்கள் பரவி உள்ள நிலையில், தற்போது நிலவி வரும் அரசியல் ஸ்திரமற்ற சூழலில், பல்வேறு நாடுகள், சீனாவின் தொலைத்தொடர்பு நிறுவனங்களுக்கு மாற்று சக்தியாக இந்தியாவை கருதுவதாக, வல்லுநர்கள் தெரிவிக்கின்றனர். எகனாமிக் டைம்ஸ்(ET) வெளியிட்ட ஒரு அறிக்கையில், நாஸ்காம் ஏற்பாடு செய்த ஒரு கூட்டத்தில், இத்துறையின் வல்லுநர்கள் இதை தெரிவித்ததாக குறிப்பிட்டுள்ளது. கூட்டத்தில் பேசிய, டெக் மஹிந்திராவின் உயர் அதிகாரி, ஜெகதீஷ் மித்ரா, "உலக அரசியல் சூழ்நிலை, விநியோகச் சங்கிலியில் இடையூறுகளை ஏற்படுத்துகிறது. 'மாற்று விநியோகச் சங்கிலி எங்கிருந்து வரும்' என்று மக்கள் எதிர்நோக்கி விவாதிக்கின்றனர்" எனக்கூறினார்.
இந்திய தொலைத்தொடர்பு நுட்பம்
மேலும், "அந்த தீர்வுகளை வழங்குவதற்காக ஒவ்வொரு துறையிலிருந்தும், இந்தியாவை மக்கள் எதிர்நோக்குகிறார்கள்" எனக்கூறினார். அந்த அறிக்கையின் படி, 2030 -ஆம் ஆண்டுக்குள், இந்தியா முழுமைக்கும், 5G செயல்படுத்தப்பட்டு, உள்நாட்டு உற்பத்தியில் 2 % அடையும். அதாவது அமெரிக்கா மதிப்பில் $180 பில்லியன் ஆகும். "நுகர்வோர்களுடன், நீங்கள் ஒரு குறிப்பிட்ட வரம்பு வரை ARPU மேம்பாட்டைப் பெறலாம். மேலும் எந்த நுகர்வோரும் இரட்டிப்பு விலையைச் செலுத்தப் போவதில்லை. எனவே எண்டர்பிரைஸ் பிரிவில் கவனம் செலுத்தப்படுகிறது, இது உண்மையில் 5G -ஐ நோக்கி, வணிக துறையை இயக்கப் போகிறது, "என்று இன்ஃபோசிஸின் இணை துணைத் தலைவர் ஞானப்ரியா தெரிவிக்கிறார். தற்போது, உலகில் அதிகமான இன்டர்நெட் பயனர்கள் கொண்ட நாடாக இந்தியா உள்ளது.
